വലിയങ്ങാടിയില് വീണ്ടും അപകടം; സ്ലാബ് തകര്ന്ന് മേല്ക്കൂരയിലേക്ക് വീണു
പോത്തൻകോട് ലോറി സ്കൂട്ടറിൽ ഇടിച്ച് സ്കൂട്ടർ യാത്രികന് ദാരുണാന്ത്യം
February 25, 2026
കോഴിക്കോട് വിദ്യാര്ഥിനി വീട്ടിനുള്ളില് തൂങ്ങിമരിച്ചനിലയില്
February 25, 2026
കോഴിക്കോട് : കോഴിക്കോട് വലിയങ്ങാടിയില് വീണ്ടും സ്ലാബ് തകര്ന്ന് അപകടം. ഇതരസംസ്ഥാനക്കാര് താമസിക്കുന്ന കെട്ടിടത്തിന്റെ സ്ലാബാണ് തകര്ന്നുവീണത്. ഇന്ന് രാവിലെ 10.30 ടെയായിരുന്നു അപകടം. അപകടത്തില് ആര്ക്കും പരിക്കില്ല.
പ്രധാന വ്യാപാര കേന്ദ്രത്തിന്റെ സമീപത്തുള്ള വാടിയില് ലൈനിലാണ് അപകടമുണ്ടായത്. ഉമ്മര് എന്ന ആളുടെ ഉടമസ്ഥതയിലുള്ള കെട്ടിടമാണിത്.
കെട്ടിടത്തിന്റെ ഇരുമ്പ് സ്ലാബാണ് താഴേക്ക് തകര്ന്ന് വീണത്. താഴെ പ്രവര്ത്തിച്ചിരുന്ന ഗോഡൗണിന്റെ ആസ്ബറ്റോസ് ഷീറ്റുകള്ക്ക് മുകളിലേക്കാണ് സ്ലാബ് വീണത്. ഇതോടെ മേല്ക്കൂരയും തകര്ത്ത് സ്ലാബ് താഴെ വീണു. അപകട സമയത്ത് ആളുകള് ഉണ്ടാകാതിരുന്നതിനാലാണ് വലിയ അപകടം ഒഴിവായത്. മൂപ്പത്തിലധികം ഇതര സംസ്ഥാന തൊഴിലാളികള് താമസിക്കുന്ന കെട്ടിടമാണിത്.
അപകടത്തിന് പിന്നാലെ കോര്പ്പറേഷന് അധികൃതര് സ്ഥലത്തെത്തി. അപകടാവസ്ഥയിലുള്ള കെട്ടിടത്തിന്റെ ശേഷിക്കുന്ന ഭാഗങ്ങള് പൊളിച്ചു നീക്കാനുള്ള നടപടികള് ആരംഭിക്കുമെന്നും ഉദ്യോഗസ്ഥര് പറഞ്ഞു.
