ട്രെയിനിന് മുകളില് കയറി സെല്ഫിയെടുക്കാന് ശ്രമം; പയ്യോളിയില് പതിനെട്ടുകാരന് ഷോക്കേറ്റു
നാലു വോട്ടു കിട്ടാന് വേണ്ടിയുള്ള ഇത്തരം പ്രചാരണം സമൂഹത്തിൽ വലിയ പ്രത്യാഘാതങ്ങളുണ്ടാക്കും : സാദിഖലി തങ്ങള്
April 3, 2026
അട്ടപ്പാടിയിലെ തെരഞ്ഞെടുപ്പ് പ്രസംഗത്തിനിടെ പന്ന്യന് രവീന്ദ്രന് കുഴഞ്ഞുവീണു
April 3, 2026
കോഴിക്കോട് : നിര്ത്തിയിട്ട ഗുഡ്സ് ട്രെയിന് മുകളില് കയറി സെല്ഫി എടുക്കാന് ശ്രമിച്ച പതിനെട്ടുകാരന് ഷോക്കേറ്റു. കോഴിക്കോട് പയ്യോളി സ്വദേശി സിനാന് ആണ് ഷോക്കേറ്റത്. ഗുരുതരമായി പൊള്ളലേറ്റ യുവാവിനെ കോഴിക്കോട് മെഡിക്കല് കോളജ് ആശുപത്രിയില് പ്രവേശിപ്പിച്ചു. തീവ്രപരിചരണ വിഭാഗത്തില് ചികിത്സയിലാണ് സിനാന്.
ഇന്ന് പുലര്ച്ചെ സിനാന് സെല്ഫി എടുക്കാന് ശ്രമിക്കുന്നതിനിടെയാണ് അപകടം ഉണ്ടായത്. തിക്കോടി റെയില്വേ സ്റ്റേഷന് സമീപത്ത് നിര്ത്തിയിട്ട ഗുഡ്സ് ട്രെയിനിന് മുകളില് കയറി സെല്ഫിയെടുക്കാന് ശ്രമിക്കുകയായിരുന്നു സിനാന്. അതിനിടെ ഗുഡ്സ് ട്രെയിന് മുകളില് നിന്ന് കാലുതെന്നിയതോടെ വൈദ്യുതി ലൈനില് പിടിക്കുകയായിരുന്നു.
സെല്ഫി എടുക്കാന് സിനാന് ഒറ്റയ്ക്കായിരുന്നോ എന്ന കാര്യം വ്യക്തമല്ല. പൊള്ളലേറ്റ സിനാനെ തൊട്ടടുത്തെ ആശുപത്രിയിലെത്തിച്ചെങ്കിലും പരിക്ക് ഗുരുതരമായതിനാല് മെഡിക്കല് കോളജിലേക്ക് റഫര് ചെയ്യുകയായിരുന്നു. സംഭവത്തില് പൊലീസ് അന്വേഷണം ആരംഭിച്ചു.
