“കയ്യില്‍ കിട്ടിയാല്‍ നിന്നെ തല്ലിക്കൊല്ലും’ , അഞ്ചു വയസുകാരിയെ തട്ടിക്കൊണ്ടുപോയി കൊന്ന കേസിലെ പ്രതിക്ക് നേരെ വന്‍ ജനരോഷം
ചാന്ദ്‌നിയെ കൊലപ്പെടുത്തിയത് അസഫാക്ക് തന്നെ, പ്രതി കുറ്റം സമ്മതിച്ചു
July 29, 2023
‘മിഠായിയും തിന്നുകൊണ്ട് കുഞ്ഞ് അവന്റെ കൂടെയുണ്ടായിരുന്നു, പിന്നാലെ മൂന്നുപേരും മാർക്കറ്റിനു പിന്നിലേക്ക് പോയി’; നിർണായകമായത് മാര്‍ക്കറ്റിലെ തൊഴിലാളിയുടെ മൊഴി
July 29, 2023
കൊച്ചി: ആലുവയില്‍ അഞ്ചു വയസുകാരിയെ തട്ടിക്കൊണ്ടുപോയി കൊന്ന കേസിലെ പ്രതിക്ക് നേരെ വന്‍ ജനരോഷം. തെളിവെടുപ്പിനായി അസം സ്വദേശി അസ്ഫാക്കിനെ ആലുവ മാര്‍ക്കറ്റിലേക്ക് പൊലീസ് കൊണ്ടു വന്നെങ്കിലും വാഹനത്തില്‍ നിന്നും ഇറക്കാനായില്ല.
“കയ്യില്‍ കിട്ടിയാല്‍ നിന്നെ തല്ലിക്കൊല്ലും’ എന്നടക്കം ആളുകള്‍ വിളിച്ചു പറയുന്നുണ്ടായിരുന്നു. കേസുമായി ബന്ധപ്പെട്ട് ഒരാളെ കൂടി പൊലീസ് കസ്റ്റഡിയിലെടുത്തിരുന്നു. ഇയാളുടെ പേരുവിവരങ്ങള്‍ പൊലീസ് പുറത്തുവിട്ടിട്ടില്ല. സുഹൃത്ത് വഴി സക്കീര്‍ എന്നയാള്‍ക്ക് കുട്ടിയെ കൈമാറിയെന്ന് അസ്ഫാക്ക് ആലം മൊഴി നല്‍കിയതായി പൊലീസ് പറഞ്ഞു. അമിത ലഹരിയിലായിരുന്നതിനാല്‍ ഇയാളെ ആദ്യഘട്ടത്തില്‍ ചോദ്യം ചെയ്യാന്‍ കഴിഞ്ഞിരുന്നില്ല. ഇയാള്‍ കുഞ്ഞുമായി പോയെന്ന് പറയുന്ന ആലുവ ഫ്‌ലൈ ഓവറിലെത്തിച്ച് പൊലീസ് പരിശോധന നടത്തി.
വെള്ളിയാഴ്ച ഉച്ചയ്ക്ക് ഒന്ന് മുതല്‍ ഇയാള്‍ മദ്യലഹരിയിലായിരുന്നെന്ന് പൊലീസ് പറഞ്ഞു. രാത്രി 11 മുതല്‍ ഇന്ന് രാവിലെ വരെ ഇയാള്‍ക്ക് സുബോധം ഉണ്ടായിരുന്നില്ല. ആലുവ മാര്‍ക്കറ്റില്‍ നിന്നും ഇന്ന് രാവിലെയാണ് ചാക്കില്‍ കെട്ടിയ നിലയില്‍ കുട്ടിയുടെ മൃതദ്ദേഹം കണ്ടെത്തിയത്.
