സ്ത്രീകളടങ്ങുന്ന സംഘം വളഞ്ഞു , മണിപ്പൂരിൽ മെയ്‌തെയ് സായുധ ഗ്രൂ​പ്പി​ല്‍പ്പെ​ട്ട 12 അംഗങ്ങളെ സൈന്യം മോചിപ്പിച്ചു

ഇം​ഫാ​ല്‍: വം​ശീ​യ ക​ലാ​പം രൂ​ക്ഷ​മാ​യ മ​ണി​പ്പൂ​രി​ല്‍ സം​ഘ​ര്‍​ഷം തു​ട​രു​ന്നു. നാ​ട്ടു​കാ​ര്‍ സം​ഘം ചേ​ര്‍​ന്നെ​ത്തി വ​ള​ഞ്ഞ​തോ​ടെ മെയ്‌തെയ് സായുധ ഗ്രൂപ്പായ കെവൈകെഎല്‍ ന്റെ 12 അംഗങ്ങളെ മോചിപ്പിക്കാന്‍ സൈന്യം നിര്‍ബന്ധിതരായി. കി​ഴ​ക്ക​ന്‍ ഇം​ഫാ​ലി​ലെ ഇ​ത്തം ഗ്രാ​മ​ത്തി​ലാ​ണ് സം​ഭ​വം. കരസേന പിടികൂടിയവരില്‍ 2015ല്‍ കരസേനയ്‌ക്കെതിരെ ആക്രമണം നടത്തിയ കേസിലെ മുഖ്യ ആസൂത്രകന്‍ മൊയ്‌റാംഗ് തം താംബയും ഉണ്ടായിരുന്നു.

കെ​വൈ​കെ​ല്‍ എ​ന്ന വി​ഘ​ട​ന​വാ​ദ ഗ്രൂ​പ്പി​ല്‍​പ്പെ​ട്ട ആ​ളു​ക​ളെ​യാ​ണ് സൈ​ന്യം പി​ടി​കൂ​ടി​യ​ത്. എ​ന്നാ​ല്‍ 1200ല്‍ ​അ​ധി​കം വ​രു​ന്ന സ്ത്രീ​ക​ള്‍ അ​ട​ക്ക​മു​ള്ള സം​ഘം സൈ​ന്യ​ത്തെ ത​ട​യു​ക​യാ​യി​രു​ന്നു. ഇ​തോ​ടെ​യാ​ണ് ഇ​വ​രെ വി​ട്ടു​കൊ​ടു​ത്ത​ത്. കൂടുതല്‍ രക്തചൊരിച്ചിൽ ഒഴിവാക്കാന്‍ പക്വമായ തീരുമാനം എടുത്തതാണെന്ന് കരസേന വാര്‍ത്താക്കുറിപ്പില്‍ അറിയിച്ചു. ഇവിടെനിന്ന് ആയുധശേഖരം അടക്കം പിടിച്ചെടുത്ത ശേഷം പ്രദേശത്തുനിന്ന് പിന്‍വാങ്ങുകയാണെന്നും സൈന്യം വ്യക്തമാക്കി. 2015ല്‍ സൈന്യത്തിന്റെ ദ്രോഗ്ര യൂണിറ്റിന് നേരെ വരെ അക്രമണം നടത്തിയതില്‍ ഇവര്‍ക്ക് പങ്കുണ്ടെന്നാണ് സൈന്യം പറയുന്നത്. ഇവരെയാണ് സ്ത്രീകളുടെ നേതൃത്വത്തിലുള്ള സംഘമെത്തി മോചിപ്പിച്ചത്. ഒരു ദിവസം നീണ്ട സംഘര്‍ഷത്തിനൊടുവിലാണ് 12 പേരെയും വിട്ടുകൊടുക്കാന്‍ സൈന്യം തീരുമാനിച്ചത്.

മ​ണി​പ്പൂ​രി​ല്‍ ക​ഴി​ഞ്ഞ പ​ത്ത് ദി​വ​സ​മാ​യി അ​ക്ര​മ​സം​ഭ​വ​ങ്ങ​ള്‍ ഒ​ന്നും ഉ​ണ്ടാ​യി​ട്ടി​ല്ലെ​ന്നാ​ണ് ശ​നി​യാ​ഴ്ച ചേ​ര്‍​ന്ന സ​ര്‍​വ​ക​ക്ഷി യോ​ഗ​ത്തി​ല്‍ കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത് ഷാ ​ അ​വ​കാ​ശ​പ്പെ​ട്ട​ത്. മ​ണി​പ്പൂ​രി​ല്‍ ഗു​രു​ത​ര സാ​ഹ​ച​ര്യ​മാ​ണ് ഉ​ള്ള​തെ​ന്നും സം​സ്ഥാ​ന സ​ര്‍​ക്കാ​രി​നെ പി​രി​ച്ചു​വി​ട​ണ​മെ​ന്നും പ്ര​തി​പ​ക്ഷം ആ​വ​ശ്യ​പ്പെ​ട്ടു. എ​ന്നാ​ല്‍ സാ​ഹ​ച​ര്യം ഒ​രി​ക്ക​ല്‍​കൂ​ടി നി​രീ​ക്ഷി​ച്ച ശേ​ഷം വീ​ണ്ടും സ​ര്‍​വ​ക​ക്ഷി​യോ​ഗം വി​ളി​ക്കാ​മെ​ന്നാ​ണ് കേ​ന്ദ്ര നി​ല​പാ​ട്.