തിരുവനന്തപുരം മെഡിക്കല് കോളജില് ഉപകരണ പ്രതിസന്ധിക്ക് പരിഹാരം; മാറ്റിവെച്ച എല്ലാ ശസ്ത്രക്രിയകളും ഇന്ന് മുതല് പുനരാരംഭിക്കും
തെലങ്കാന ഫാര്മ ഫാക്ടറി സ്ഫോടനത്തില് മരണം 42 ആയി
July 1, 2025
മലപ്പുറത്ത് മഞ്ഞപ്പിത്തം ബാധിച്ച ഒരു വയസുകാരന്റെ മരണം; തലച്ചോറിലെ ഞരമ്പുകള് പൊട്ടി എന്ന് പോസ്റ്റ് മോര്ട്ടം റിപ്പോര്ട്ട്
July 1, 2025
തിരുവനന്തപുരം : തിരുവനന്തപുരം മെഡിക്കല് കോളജിലെ ശസ്ത്രക്രിയ പ്രതിസന്ധിക്ക് പരിഹാരം. ലത്തോക്ലാസ്റ്റ് പ്രോബ് ഉപകരണങ്ങള് ആശുപത്രിയില് എത്തിച്ചു. ഇതോടെ മാറ്റിവച്ച ശസ്ത്രക്രിയകള് തുടങ്ങി. ഹൈദരാബാദില് നിന്ന് വിമാന മാര്ഗം ഇന്ന് രാവിലെയാണ് ഉപകരണങ്ങള് എത്തിയത്.
മാറ്റിവെച്ച എല്ലാ ശസ്ത്രക്രിയകളും ഇന്ന് മുതല് പുനരാരംഭിക്കും. ലത്തോക്ലാസ്റ്റ് പ്രോബ് ഉപകരണമില്ലാതെ വന്നതോടെയാണ് തിരുവന്തപുരം മെഡിക്കല് കോളജിന്റെ ദയനിയാവസ്ഥ ഡോ. ഹാരിസ് ഫേസ്ബുക്കിലൂടെ തുറന്നു പറഞ്ഞത്.
അതേസമയം, യൂറോളജി വകുപ്പ് മേധാവിയായ ഹാരിസ് ചിറക്കലിന്റെ തുറന്നുപറച്ചില് വിദഗ്ധസമിതിയുടെ അന്വേഷണം തുടരുന്നു. ശസ്ത്രക്രിയ ഉപകരണങ്ങള് വാങ്ങുന്നതിലടക്കം വീഴ്ച ഉണ്ടായി എന്നതാണ് പ്രാഥമിക കണ്ടെത്തല്.. ഡോക്ടേഴ്സ് ദിനമായ ഇന്ന് തിരുവനന്തപുരം മെഡിക്കല് കോളേജില് കെജിഎംസിടിഎ പ്രതിഷേധിച്ചു.
