കാലടിയില് സ്വകാര്യബസിന്റെ മത്സരയോട്ടം; സോഷ്യല് മീഡിയ വഴി മന്ത്രിക്ക് ലഭിച്ച വിഡിയോയിൽ നടപടി
ദിലീപിന്റെ വീട്ടിൽ അതിക്രമിച്ചു കയറിയ യുവാവ് കസ്റ്റഡിയിൽ
October 25, 2025
പിഎം ശ്രീ പദ്ധതിയുമായി ബന്ധപ്പെട്ട് പുറത്തുവരുന്ന വിവരങ്ങള് ഞെട്ടിപ്പിക്കുന്നത് : വിഡി സതീശന്
October 25, 2025
കൊച്ചി : സ്വകാര്യ ബസുകളുടെ മത്സരയോട്ടത്തില് കര്ശന നടപടി തുടര്ന്ന് ഗതാഗതവകുപ്പ്. കാലടിയില് അപകടകരമായ രീതിയില് അമിതവേഗതയില് ഓടിച്ച കെഎല്-33-2174 നമ്പര് ബസിന്റെ പെര്മിറ്റ് റദ്ദാക്കുന്നതടക്കമുള്ള നടപടികളെടുക്കുമെന്നും ആര്ടിഒ അറിയിച്ചു. മന്ത്രി കെ.ബി ഗണേഷ് കുമാറിന്റെ നിര്ദേശപ്രകാരമാണ് നടപടി.
സോഷ്യല് മീഡിയ വഴി മന്ത്രിക്ക് ലഭിച്ച വിഡിയോയാണ് സംഭവത്തിന് ആധാരമായത്. ദൃശ്യങ്ങള് പരിശോധിച്ച മന്ത്രി ഗതാഗത കമ്മീഷണറോട് അടിയന്തര അന്വേഷണം നടത്താന് നിര്ദ്ദേശിക്കുകയായിരുന്നു. തുടര്ന്ന് ഡ്രൈവറുടെ ലൈസന്സ് താല്ക്കാലികമായി അങ്കമാലി ജോയിന്റ് ആര്ടിഒ സസ്പെന്ഡ് ചെയ്തു.
ബസിന്റെ പെര്മിറ്റ് റദ്ദാക്കുന്നതിനായുള്ള നടപടികള് ആരംഭിക്കുകയും മൂവാറ്റുപുഴ ആര്ടിഒ യ്ക്ക് ശുപാര്ശ അയയ്ക്കുകയും ചെയ്തു. റോഡില് വേഗപരിധി ലംഘിച്ച് അപകടാവസ്ഥ സൃഷ്ടിക്കുന്ന രീതിയില് ബസുകള് തമ്മില് മത്സരിച്ചതായി അന്വേഷണത്തില് വ്യക്തമായതായി അധികൃതര് അറിയിച്ചു.
