ഉത്തർപ്രദേശിൽ സർവകലാശാല വിസിയെ എബിവിപിക്കാർ തല്ലിച്ചതച്ചു: തടയാനെത്തിയ പൊലീസിനും മർദനം

ഗോരഖ്പൂർ : ഗോരഖ് പൂരിലെ ദീൻ ദയാൽ ഉപാധ്യായ സർവകലാശാല വൈസ് ചാൻസലറേയും രജിസ്ട്രാറേയും എബിവിപിക്കാർ തല്ലിച്ചതച്ചു. വൈസ് ചാൻസലർ രാജേഷ് സിംഗ്,  രജിസ്ട്രാർ അജയ് സിംഗ് എന്നിവർക്ക് തലയ്ക്ക്പരിക്കേറ്റിട്ടുണ്ട്. കാമ്പസിന്  പുറത്ത് നിന്നെത്തിയ ബിജെപി പ്രവർത്തകരും ഇവരെ മർദ്ദിച്ചുവെന്നാണ് വിവരം. ഏ​താ​നും പൊലീസ്  ഉ​ദ്യോ​ഗ​സ്ഥ​ര്‍​ക്കും നാ​ല് എ​ബി​വി​പി പ്ര​വ​ര്‍​ത്ത​ക​ര്‍​ക്കും പ​രി​ക്കേ​റ്റി​ട്ടു​ണ്ട്. സം​ഭ​വ​ത്തി​ല്‍ 10 എ​ബി​വി​പി പ്ര​വ​ര്‍​ത്ത​ക​രെ പൊലീസ് ക​സ്റ്റ​ഡി​യി​ലെ​ടു​ത്തു.

വെ​ള്ളി​യാ​ഴ്ച​യാ​ണ് ഒ​രു കൂ​ട്ടം എ​ബി​വി​പി​ പ്ര​വ​ര്‍​ത്ത​ക​രും കാ​മ്പ​സി​ന് പു​റ​ത്ത് നി​ന്നു​ള്ള​ ബിജെപിക്കാരും വൈ​സ് ചാ​ന്‍​സ​ല​ര്‍ ഉ​ള്‍​പ്പെ​ടെ​യു​ള്ള സ​ര്‍​വ​ക​ലാ​ശാ​ലാ ഉ​ദ്യോ​ഗ​സ്ഥ​രെ ആ​ക്ര​മി​ക്കു​ക​യും പൊ​തു​മു​ത​ല്‍ ന​ശി​പ്പി​ക്കു​ക​യും ചെ​യ്ത​ത്. ഫീ​സ് വ​ര്‍​ധ​ന​യും മ​റ്റ് പ്ര​ശ്ന​ങ്ങ​ളും ഉ​ന്ന​യി​ച്ച് ഈ ​മാ​സം ആ​ദ്യ​വാ​രം​മു​ത​ല്‍ സ​ര്‍​വ​ക​ലാ​ശാ​ലായിൽ വി​ദ്യാ​ര്‍​ഥി​ക​ള്‍ പ്ര​തി​ഷേ​ധം സം​ഘ​ടി​പ്പി​ച്ചി​രു​ന്ന​താ​യാ​ണ് റി​പ്പോ​ര്‍​ട്ട്. വെ​ള്ളി​യാ​ഴ്ച സ​മ​ര​ക്കാ​രെ കാ​ണാ​ന്‍ സ​ര്‍​വ​ക​ലാ​ശാ​ല അ​ധി​കൃ​ത​ര്‍ വി​സ​മ്മ​തി​ച്ച​താ​ണ് അ​ക്ര​മ​ത്തി​ന് കാ​ര​ണ​മാ​യ​തെ​ന്നാ​ണ് നിഗമനം.വിസിയുടെ ചേംബറും അക്രമകാരികൾ തകർത്തു. വിസിയെയും രജിസ്ട്രാറെയും നിലത്തിട്ട് ചവിട്ടുന്നതിന്റെയും കുത്തുന്നതിന്റെയും വീഡിയോ ദൃശ്യങ്ങൾ പ്രചരിക്കുന്നുണ്ട്. സംഘർഷം തടയാൻ ശ്രമിച്ച പൊലീസ് ഉദ്യോ​ഗസ്ഥരെയും അക്രമിസംഘം ക്രൂരമായി മർദിച്ചു.