ആധാറുമായി ലിങ്ക് ചെയ്തില്ല, അസാധുവായ പാന്‍ എങ്ങനെ വീണ്ടും പ്രവര്‍ത്തനക്ഷമമാക്കാം?
ഡ്രൈവർ ബോധരഹിതനായി, സമയോചിത ഇടപെടലിലൂടെ കണ്ടക്ടർ ഒഴിവാക്കിയത് വൻദുരന്തം
July 2, 2023
റഷ്യൻ നിയന്ത്രിത മേഖലയിലുള്ള സാപൊറീഷ്യ ആണവനിലയം റഷ്യ തകർക്കും : മുന്നറിയിപ്പുമായി യുക്രെയിൻ പ്രസിഡന്റ്
July 2, 2023
നിങ്ങളുടെ പെര്‍മനന്റ് അക്കൗണ്ട് നമ്പര്‍( പാന്‍) ആധാര്‍ നമ്പറുമായി ലിങ്ക് ചെയ്യേണ്ടിയിരുന്ന അവസാന തിയതി 2023 ജൂണ്‍ 30 ന് അവസാനിച്ചിരിക്കുകയാണ്. നിരവധി തവണ ഇതിനുള്ള സമയപരിധി സര്‍ക്കാര്‍ നീട്ടിനല്‍കിയിരുന്നു. എന്നാല്‍ ഇനി നീട്ടില്ലെന്നു മാത്രമല്ല, ആധാറുമായി ലിങ്ക് ചെയ്തിട്ടില്ലാത്ത പാന്‍ കാര്‍ഡുകള്‍ അസാധുവാകുകയും ചെയ്തു.
അസാധുവായവര്‍ക്ക് പാനുമായി ബന്ധപ്പെട്ട സേവനങ്ങള്‍ ഇനി ലഭിക്കില്ല. ആദായ നികുതി റിട്ടേണ്‍ ഫയല്‍ ചെയ്യേണ്ട അവസാന തിയതി ജൂലായ് 31 ആണ്. അതിനും കഴിയില്ല.
അസാധുവായ പാന്‍ എങ്ങനെ വീണ്ടും പ്രവര്‍ത്തനക്ഷമമാക്കാം
സെന്‍ട്രല്‍ ബോര്‍ഡ് ഓഫ് ഡയറക്ട് ടാക്‌സസ് (CBDT) 2023 മാര്‍ച്ച് 28ലെ വിജ്ഞാപനം അനുസരിച്ച് അസാധുവായ പാന്‍ വീണ്ടും പ്രവര്‍ത്തനക്ഷമമാക്കാന്‍ എന്തുചെയ്യാനാകുമെന്ന് വ്യക്തമാക്കിയിട്ടുണ്ട്. ‘1,000 രൂപ പിഴ അടച്ച് പാന്‍ ആധാറുമായി ബന്ധിപ്പിക്കാവുന്നതാണ്. പക്ഷേ ഒരു 30 ദിവസം വേണ്ടിവരും പാന്‍ കാര്‍ഡ് പ്രവര്‍ത്തനക്ഷമമാകാന്‍. അതായത് ജൂലൈ 2 ന് പാന്‍ ആധാറുമായി ബന്ധിപ്പിക്കാന്‍ അപേക്ഷ നല്‍കിയ ആള്‍ക്ക് ഓഗസ്റ്റ് 1 നകമാണ് പാന്‍ പ്രവര്‍ത്തനക്ഷമമാകുക.
അതായത് പാന്‍ പ്രവര്‍ത്തനരഹിതമായാലും നിങ്ങള്‍ക്ക് അത് വീണ്ടും പിഴയടച്ചുകൊണ്ട് പ്രവർത്തനക്ഷമമാക്കാം.
പിഴയടക്കുന്നതെങ്ങനെ?
പാന്‍ ആധാറുമായി ബന്ധിപ്പിക്കുന്നതിന് പിഴ അടയ്ക്കുന്നതിന്, ഒരു വ്യക്തി ആദായ നികുതി ഇ-ഫയലിംഗ് വെബ്‌സൈറ്റില്‍ അക്കൗണ്ട് ലോഗിന്‍ ചെയ്യേണ്ടതുണ്ട്. ലോഗിന്‍ ചെയ്തുകഴിഞ്ഞാല്‍, ‘ലിങ്ക് പാന്‍ വിത്ത് ആധാര്‍’ ഓപ്ഷന്‍ തെരഞ്ഞെടുക്കുക. ആവശ്യമായ വിശദാംശങ്ങള്‍ നല്‍കിക്കഴിഞ്ഞാല്‍, ഇപേ ടാക്‌സ് വഴി പിഴ തുക അടക്കാവുന്നതാണ്.
പാന്‍ പ്രവര്‍ത്തനരഹിതമാകുന്നതിന്റെ അനന്തരഫലങ്ങള്‍ എന്തൊക്കെ?
രു വ്യക്തി തന്റെ പാന്‍ ആധാറുമായി ബന്ധിപ്പിക്കുന്നതില്‍ പരാജയപ്പെട്ടാല്‍, പാന്‍ പ്രവര്‍ത്തനരഹിതമാകും. അത്തരമൊരു സാഹചര്യത്തില്‍, വ്യക്തിക്ക് തന്റെ പാന്‍ നല്‍കാനോ അറിയിക്കാനോ കഴിയില്ല കൂടാതെ ആദായനികുതി നിയമപ്രകാരമുള്ള എല്ലാ അനന്തരഫലങ്ങള്‍ക്കും ബാധ്യസ്ഥനായിരിക്കും. ചില പ്രധാന പ്രത്യാഘാതങ്ങള്‍ ഇവയാണ്:’
- പ്രവര്‍ത്തനരഹിതമായ പാന്‍ ഉപയോഗിച്ച് വ്യക്തിക്ക് ആദായനികുതി റിട്ടേണ്‍ ഫയല്‍ ചെയ്യാന്‍ കഴിയില്ല.
- പെന്‍ഡിങ് റിട്ടേണുകള്‍ പ്രോസസ്സ് ചെയ്യില്ല.
- പെന്‍ഡിങ് റീഫണ്ടുകള്‍ പ്രവര്‍ത്തനരഹിതമായ പാനുകള്‍ക്ക് നല്‍കാന്‍ കഴിയില്ല.
- പാന്‍ പ്രവര്‍ത്തനരഹിതമായാല്‍, പിഴവുള്ള റിട്ടേണുകളുടെ കാര്യത്തിലെന്നപോലെ തീര്‍പ്പുകല്‍പ്പിക്കാത്ത നടപടികള്‍ പൂര്‍ത്തിയാക്കാനാകില്ല.
- പാന്‍ പ്രവര്‍ത്തനരഹിതമാകുന്നതിനാല്‍ ഉയര്‍ന്ന നിരക്കില്‍ നികുതി അടയ്‌ക്കേണ്ടി വരും.
ഈ പരിണതഫലങ്ങള്‍ കൂടാതെ, ബാങ്കുകള്‍ പോലെയുള്ള മറ്റ് സാമ്പത്തിക ഇടപാടുകള്‍ നടത്തുന്നതിലും വ്യക്തിക്ക് ബുദ്ധിമുട്ടുകള്‍ ഉണ്ടായേക്കാം. കാരണം ഈ ഇടപാടുകള്‍ക്ക് പാന്‍ ഒരു പ്രധാന കെവൈസി മാനദണ്ഡമാണ്.
