മോ​ന്‍​സ​ന്‍ തട്ടിപ്പ് കേസ് : ഹാജരാകാൻ ഒരാഴ്ച സമയം വേണമെന്ന് ക്രൈംബ്രാഞ്ചിനോട് കെ സുധാകരൻ

തി​രു​വ​ന​ന്ത​പു​രം: മോ​ന്‍​സ​ന്‍ മാ​വു​ങ്ക​ല്‍ പ്ര​തി​യാ​യ പു​രാ​വ​സ്തു ത​ട്ടി​പ്പ് കേ​സി​ല്‍ ഹാജരാകാൻ ഒരാഴ്ചത്തെ സമയം വേണമെന്ന് കെപിസിസി അധ്യക്ഷൻ കെ സുധാകരൻ, ഈ ​മാ​സം 23 വ​രെ ക്രൈം​ബ്രാ​ഞ്ചി​ന് മു​ന്‍​പാ​കെ ഹാ​ജ​രാ​കി​ല്ലെ​ന്നാണ് സുധാകരൻ അറിയിച്ചിരിക്കുന്നത് . നേ​ര​ത്തെ, ബു​ധ​നാ​ഴ്ച ഹാ​ജ​രാ​കാ​നാ​ണ് സു​ധാ​ക​ര​ന് ക്രൈം​ബ്രാ​ഞ്ച് നോ​ട്ടീ​സ് ന​ല്‍​കി​യി​രു​ന്ന​ത്.

വ്യാജ പുരാവസ്തുക്കൾ ഉപയോഗിച്ച് മോൻസൻ മാവുങ്കൽ 10 കോടിരൂപയുടെ തട്ടിപ്പുനടത്തിയെന്ന കേസിൽ കെ. ​സു​ധാ​ക​ര​നെ ക്രൈംബ്രാഞ്ച് ര​ണ്ടാം പ്ര​തി​യാ​ക്കി​യി​രു​ന്നു.പാ​ര്‍​ട്ടി പ​രി​പാ​ടി​ക​ള്‍ ന​ട​ന്നു കൊ​ണ്ടി​രി​ക്കു​ന്ന​തിനാൽ ഹാജരാകാൻ സമയം വേണമെന്നാണ് സുധാകരന്റെ  ആവശ്യം. പു​തി​യ നോ​ട്ടീ​സ് അ​യയ്​ക്കാ​നു​ള്ള ന​ട​പ​ടി​ക​ള്‍ ക്രൈം​ബ്രാ​ഞ്ച് ഇ​ന്ന് ത​ന്നെ ആ​രം​ഭി​ക്കും.

മോ​ന്‍​സ​ന് പ​ണം ന​ല്‍​കു​മ്പോ​ള്‍ ​സു​ധാ​ക​ര​ന്‍ അ​വി​ടെ​യു​ണ്ടാ​യി​രു​ന്നു​വെ​ന്ന ആ​രോ​പ​ണ​ത്തി​ലു​റ​ച്ച് നി​ൽക്കു​ക​യാ​ണ് പ​രാ​തി​ക്കാ​ര്‍. കേ​സി​ല്‍ പ്ര​തി ചേ​ര്‍​ത്ത ല​ക്ഷ്മ​ണ​യ്ക്കും സു​രേ​ന്ദ്ര​നും അ​ട​ക്കം മോ​ന്‍​സ​ന്‍ പ​ണം ന​ല്‍​കി​യ​തി​ന് രേ​ഖ​ക​ളു​ണ്ട്; ബാ​ങ്ക് സ്റ്റേ​റ്റ്‌​മെന്‍റു​ക​ള്‍ ഉ​ണ്ട്. തെളിവ് അ​ന്വേ​ഷ​ണ സം​ഘ​ത്തി​ന് കൈ​മാ​റി​യി​ട്ടു​ണ്ടെ​ന്നും പ​രാ​തി​ക്കാ​ർ ഉന്നയിക്കുന്നു.നിലവിൽ സു​ധാ​ക​ര​നെ​തി​രേ ഡി​ജി​റ്റ​ല്‍ രേ​ഖ​ക​ള്‍ തെ​ളി​വാ​യി ക്രൈം​ബ്രാ​ഞ്ച് ക​ണ്ടെ​ടു​ത്തി​ട്ടു​ണ്ട്. ഗാ​ഡ്ജ​റ്റു​ക​ളി​ല്‍ നി​ന്ന് ഫോ​ട്ടോ​ക​ള്‍ വീ​ണ്ടെ​ടുത്തി​ട്ടു​ണ്ട്. കേ​സി​ൽ കോ​ട​തി​യെ സ​മീ​പി​ക്കു​ന്ന കാ​ര്യ​ത്തി​ല്‍ സു​ധാ​ക​ര​ന്‍ ബുധനാഴ്ച തീ​രു​മാ​ന​മെ​ടു​ത്തേ​ക്കും.