പ്ലസ് വൺ അപേക്ഷ ജൂൺ 2 മുതൽ, 19ന് ആദ്യ അലോട്ട്മെന്റ്
തിരുവനന്തപുരം: പ്ലസ് വൺ ഏകജാലക പ്രവേശനത്തിനുള്ള ഓൺലൈൻ അപേക്ഷ ജൂൺ രണ്ട് മുതൽ. ജൂൺ ഒൻപത് വരെ അപേക്ഷ സമർപ്പിക്കാം. ജൂൺ 13ന് ട്രയൽ അലോട്ട്മെന്‍റും 19ന് ആദ്യ അലോട്ട്മെന്‍റും പ്രസിദ്ധീകരിക്കും.
മുഖ്യഘട്ടത്തിൽ മൂന്ന് അലോട്ട്മെന്‍റുകളുണ്ടാകും. മുഖ്യഘട്ടം പൂർത്തിയാക്കി ജൂലൈ അഞ്ചിന് ഒന്നാം വർഷ ക്ലാസുകൾ തുടങ്ങാനാണ് സർക്കാർ ലക്ഷ്യമിടുന്നത്. ഓഗസ്റ്റ് നാലിന് പ്രവേശന നടപടി അവസാനിക്കും. സിബിഎസ്ഇ, ഐസിഎസ്ഇ പത്താം ക്ലാസ് പരീക്ഷ ഫലം ഇതിനകം പ്രസിദ്ധീകരിച്ചതിനാൽ അവർക്കുവേണ്ടി അപേക്ഷ സമർപ്പണം ഇത്തവണ നീട്ടേണ്ടിവരില്ല. പ്ലസ് ടൂ സേ പരീക്ഷ ജൂൺ 21 മുതൽ നടക്കും. അപേക്ഷ ഈ മാസം 29നകം നൽകണം. പുനർമൂല്യനിർണയത്തിനുള്ള അപേക്ഷ ഈ മാസം 31ന് മുൻപായിട്ടാണ് നൽകേണ്ടത്.
