സംസ്ഥാനത്ത് ഇന്നു മുതല് മഴ കുറയാന് സാധ്യത; ഒരു ജില്ലയിലും മഴ മുന്നറിയിപ്പ് ഇല്ല
വിഴിഞ്ഞം ഓഹരിക്കൈമാറ്റത്തിന് സർക്കാർ അനുമതി നൽകിയിട്ടില്ല : മുഖ്യമന്ത്രി
July 10, 2026
കണ്ണൂരിൽ നിയന്ത്രണംവിട്ട കാര് മരത്തിലിടിച്ച് നാലുപേര് മരിച്ചു
July 11, 2026
തിരുവനന്തപുരം : സംസ്ഥാനത്ത് ഇന്നു മുതല് മഴ കുറയാന് സാധ്യത. ഇന്ന് ഒരു ജില്ലയിലും കേന്ദ്ര കാലാവസ്ഥ വകുപ്പ് മഴ മുന്നറിയിപ്പ് നല്കിയിട്ടില്ല. കഴിഞ്ഞ ദിവസം സംസ്ഥാനത്ത് പരക്കെ മഴ അനുഭവപ്പെട്ടിരുന്നു.
കേരളത്തിലെ എല്ലാ ജില്ലകളിലും ഇന്ന് ഒറ്റപ്പെട്ടയിടങ്ങളില് നേരിയ/ഇടത്തരം മഴയ്ക്ക് മാത്രമാണ് സാധ്യതയുള്ളത്. മണിക്കൂറില് 40 കിലോമീറ്റര് വരെ വേഗത്തില് ശക്തമായ കാറ്റിനും സാധ്യതയുള്ളതിനാല് ജാഗ്രത പാലിക്കണമെന്ന് കേന്ദ്ര കാലാവസ്ഥ വകുപ്പ് അറിയിച്ചു.
തെലങ്കാന മുതല് കര്ണാടക തീരത്തിനടുത്തുള്ള മധ്യ കിഴക്കന് അറബിക്കടല് വരെ സമുദ്രനിരപ്പില് നിന്ന് 1.5 km- 3.1 km ഉയരത്തില് ന്യൂന മര്ദ്ദ പാത്തി രൂപപ്പെട്ടിട്ടുണ്ട്. മധ്യ ഉത്തര്പ്രദേശിന്റെ വടക്കന് ഭാഗങ്ങള്ക്ക് മുകളിലായി ന്യൂനമര്ദ്ദ മേഖല സ്ഥിതി ചെയ്യുന്നു. വരും മണിക്കൂറുകളില് ഇത് ക്രമേണ ശക്തി കുറയാന് സാധ്യതയെന്നും കാലാവസ്ഥ വകുപ്പ് അറിയിച്ചു.
ഗുജറാത്ത് തീരം മുതല് മഹാരാഷ്ട്ര തീരം വരെയുള്ള തീരദേശ ന്യൂനമര്ദ്ദ പാത്തി ദുര്ബലമായി. ഇതിന്റെയെല്ലാ സ്വാധീനഫലമായി ചൊവ്വാഴ്ച വരെ സംസ്ഥാനത്ത് നേരിയ ഇടത്തരം മഴയ്ക്ക് മാത്രമാണ് സാധ്യതയുള്ളതെന്നാണ് കാലാവസ്ഥ വകുപ്പിന്റെ പ്രവചനം.
