‘മതിയായി ഈ എംഎല്എ’ പ്രചാരണ ബോര്ഡ്; ബിജെപി സ്ഥാനാര്ഥിയാകിയത്ത് അതേ എംഎല്എ തന്നെ
സിപിഐഎം വര്ക്കല ഏരിയാ കമ്മിറ്റി അംഗം ബിജെപിയില് ചേര്ന്നു
March 22, 2026
ശബരിമലയിൽ യുവതീപ്രവേശന വിലക്ക് തുടരണം; സുപ്രീംകോടതിയില് തന്ത്രി
March 22, 2026
തൃശൂര് : ഇത്തവണ നിയമസഭാ തെരഞ്ഞെടുപ്പിന് മുന്പായി കേട്ടുകേള്വി ഇല്ലാത്തവിധമാണ് സംസ്ഥാനത്ത് നേതാക്കള് പാര്ട്ടി മാറിയത്. ഇത് എല്ലാ രാഷ്ട്രീയപാര്ട്ടികള്ക്കും തലവേദനയാവുകയും ചെയ്തു. അതിനിടെ നാട്ടിക മണ്ഡലത്തില് സ്ഥാപിച്ച എന്ഡിഎയുടെ പ്രചാരണ ബോര്ഡ് സാമൂഹിക മാധ്യമങ്ങളില് എല്ലാവരും ട്രോളിയതോടെ എടുത്തുമാറ്റി. ‘മതിയായി ഈ എം.എല്.എ,. മാറ്റം തുടങ്ങാം. മാറാത്തത് മാറും, ഇനി കേരളം വളരും’ എന്നെഴുതിയ ബോര്ഡ് മറ്റ് മണ്ഡലങ്ങളിലെന്നപോലെ നാട്ടികയിലും എന്ഡിഎ സ്ഥാപിച്ചിരുന്നു.
സീറ്റ് നിഷേധിച്ചതോടെ നാട്ടിക എംഎംല്എ സിസി മുകുന്ദന് സിപിഐ വിട്ട് ബിജെപിയിലെത്തി സ്ഥാനാര്ഥിയായതോടെയാണ് ബോര്ഡ് തിരിച്ചടിയായത്. നേരത്തേ എംഎല്എയുടെ വീഴ്ചകള് ചൂണ്ടിക്കാട്ടി ബിജെപി പോസ്റ്റര് പതിക്കുകയും ഒപ്പുശേഖരണം നടത്തുകയും ചെയ്തിരുന്നു.
ബോര്ഡും പോസ്റ്ററുകളും സാമൂഹികമാധ്യമങ്ങളില് ചര്ച്ചയായതോടെ കഴിഞ്ഞ ദിവസം ഇവ നീക്കംചെയ്തു. സിസി മുകുന്ദന് വരവ് പാര്ട്ടിക്ക് നേട്ടമാകുമെന്നാണ് ബിജെപിയുടെ വിലയിരുത്തല്.
