കേരളത്തിൽനിന്നുള്ള സംഘമെത്തി; തിരുനെൽവേലിയിൽ തള്ളിയ മാലിന്യം നീക്കാൻ തുടങ്ങി

തിരുവനന്തപുരം : തിരുനെൽവേലിയിൽ മെഡിക്കൽ മാലിന്യങ്ങൾ തള്ളിയ സംഭവത്തിൽ മാലിന്യം നീക്കാൻ കേരളത്തിൽ നിന്നുള്ള സംഘമെത്തി. ജില്ലാ സബ് കലക്ടറിന്റെ നേതൃത്വത്തിലുള്ള സംഘമാണ് എത്തിയിട്ടുള്ളത്. ആറ് സംഘങ്ങളായി മാലിന്യം വേർതിരിച്ച് കൊണ്ടുപോകും. ജെസിബി ഉപയോഗിച്ച് ലോറിയിലേക്ക് മാലിന്യങ്ങൾ നീക്കി തുടങ്ങി.

20 ഉദ്യോ​ഗസ്ഥർ ഉൾപ്പെടെ 70 പേരടങ്ങുന്ന സംഘമാണ് സംഭവ സ്ഥലത്തെത്തിയിരിക്കുന്നത്. മാലിന്യങ്ങൾ ഇന്നു തന്നെ കേരളത്തിലേക്ക് കൊണ്ടുപോയി സംസ്കരിക്കാനാണ് സർക്കാർ തീരുമാനം. തമിഴ്നാടിന്റെ സഹായത്തോടുകൂടിയാണ് മാലിന്യങ്ങൾ നീക്കം ചെയ്യുന്നത്. ഇതിനായി പ്രത്യേക ആക്ഷൻ പ്ലാൻ സർക്കാർ രൂപീകരിച്ചിരുന്നു.