നിങ്ങൾ തുടങ്ങാൻ പോകുകയാണ്, ആദ്യ ദേശീയ കോച്ചിൻറെ വാക്കുകൾ ഇപ്പോഴും മനസിലുണ്ട്, വികാരാർദ്രമായ കുറിപ്പുമായി ഛേത്രി

‘ഞാന്‍ ഒരിക്കലും മറക്കാത്ത ഒരു ദിവസമുണ്ട്, ഇന്ത്യക്കായി ഞാന്‍ ആദ്യമായി കളിച്ചത് അവിശ്വസനീയമായിരുന്നു, തലേദിവസം രാവിലെ, സുഖി സര്‍, എന്റെ ആദ്യത്തെ ദേശീയ ടീം പരിശീലകന്‍, എന്റെ അടുത്ത് വന്നു, നിങ്ങള്‍ തുടങ്ങാന്‍ പോകുന്നുവെന്ന് പറഞ്ഞു -ഞാന്‍ എന്റെ ജേഴ്സി എടുത്തു, ഞാന്‍ അതില്‍ കുറച്ച് പെര്‍ഫ്യൂം സ്‌പ്രേ ചെയ്തു, എന്തുകൊണ്ടെന്ന് എനിക്കറിയില്ല. പ്രഭാതഭക്ഷണം മുതല്‍ ഉച്ചഭക്ഷണം വരെയും കളി വരെയും എന്റെ അരങ്ങേറ്റത്തിലെ ആദ്യ ഗോള്‍ വരെയും അന്ന് സംഭവിച്ചതെല്ലാം, ഇപ്പോഴും ഓര്‍മയിലുണ്ട്. ഞാന്‍ ഒരിക്കലും മറക്കാത്തതും എന്റെ ഏറ്റവും നല്ല ദിവസങ്ങളില്‍ ഒന്നുമാണ് അത്. ദേശീയടീമിനൊപ്പം എന്റെ യാത്ര തുടങ്ങിയ ദിനം-,”വിരമിക്കൽ പ്രഖ്യാപിച്ചുകൊണ്ടുള്ള ഒരു സോഷ്യല്‍ മീഡിയ പോസ്റ്റില്‍ സുനിൽ ഛേത്രി പറഞ്ഞു.

‘കഴിഞ്ഞ 19 വര്‍ഷമായി ഞാന്‍ ഒരിക്കലും വ്യക്തിപരമായി ചിന്തിച്ചിട്ടില്ല, രാജ്യത്തിനായി ഞാന്‍ കളിച്ച നിരവധി ഗെയിമുകള്‍-അതാണ് എന്റെ ജീവിതത്തിലെ സമ്പാദ്യം. ഈ അടുത്ത കളി എന്റെ അവസാനമായിരിക്കും.’അതെ, ഇതാണ് എന്റെ അവസാനത്തെ കളിയെന്ന് ഞാന്‍ എന്നോട് തന്നെ ആദ്യം പറഞ്ഞ നിമിഷം, ഞാന്‍ എല്ലാം ഓര്‍ത്തെടുക്കാന്‍ തുടങ്ങിയപ്പോഴാണ്, ഇത് വളരെ വിചിത്രമായിരുന്നു, ഞാന്‍ ഈ ഗെയിമിനെക്കുറിച്ചോ ആ കളിയെക്കുറിച്ചോ ഈ കോച്ചിനെക്കുറിച്ചോ ചിന്തിക്കാന്‍ തുടങ്ങി. അങ്ങനെ ഞാന്‍ തീരുമാനിച്ചപ്പോള്‍, ആദ്യ കോച്ച്, ആ ടീം, ആ അംഗം, ആ ഗ്രൗണ്ട്, എവേ മാച്ച്,  നല്ല കളി,  മോശം ഗെയിം, എന്റെ എല്ലാ പ്രകടനങ്ങളും, എല്ലാം ഒരു ഫ്ളാഷുപോലെ വന്നു.’എന്റെ തീരുമാനം  ആദ്യം എന്റെ അമ്മയോടും എന്റെ അച്ഛനോടും എന്റെ ഭാര്യയോടും എന്റെ കുടുംബത്തോടും പറഞ്ഞു,  പക്ഷേ എന്റെ അമ്മയും എന്റെ ഭാര്യയും കരയാന്‍ തുടങ്ങി, ഞാന്‍ പറഞ്ഞു.- നിങ്ങള്‍ക്കറിയാമോ, ഈ ജൂണിനു ശേഷം ഞാന്‍ ഇനി എന്റെ രാജ്യത്തിനായി കളിക്കാന്‍ പോകുന്നില്ല.’അവര്‍ക്ക് പോലും സഹിക്കാന്‍ കഴിഞ്ഞില്ല, അവര്‍ എന്തിനാണ് അവര്‍ പൊട്ടിക്കരഞ്ഞത് എന്ന് ഞാന്‍ ചോദിച്ചില്ല, എന്റെ ചിന്തയില്‍ രാജ്യത്തിനായുള്ള അവസാന കളി  മാത്രമായിരുന്നു അപ്പോള്‍.