കൽപറ്റ: വന്യമൃ​ഗ ശല്യത്തിന് പരിഹാരം കാണണമെന്നാവശ്യപ്പെട്ട് ജനം പ്രതിഷേധിക്കുന്ന വയനാട്ടിലേക്ക് മന്ത്രിതല സംഘം പോകും. വനംമന്ത്രിയും റവന്യൂമന്ത്രിയും തദ്ദേശഭരണ വകുപ്പ് മന്ത്രിയും ഒപ്പമുണ്ടാകും. 20നാ​ണ് യോ​ഗം ന​ട​ക്കു​ക. ഉദ്യോഗസ്ഥരുടെ ശ്രമങ്ങൾ വിജയിപ്പിക്കാൻ ജനങ്ങൾ സഹകരിക്കണമെന്നും വനംമന്ത്രി  എ കെ ശശീന്ദ്രൻ പറഞ്ഞു.

വ​യ​നാ​ട്ടി​ൽ ഒ​രാ​ഴ്ച​യ്ക്കി​ടെ കാ​ട്ടാ​ന​യു​ടെ ആ​ക്ര​മ​ണ​ത്തി​ൽ ര​ണ്ടു ജീ​വ​നു​ക​ളാ​ണ് പൊ​ലി​ഞ്ഞ​ത്. ക​ഴി​ഞ്ഞ ശ​നി​യാ​ഴ്ച​യാ​ണ് പ​ട​മ​ല പ​ന​ച്ചി​യി​ൽ അ​ജീ​ഷി​നെ വീ​ട്ടു​മു​റ്റ​ത്ത് ബേ​ലൂ​ർ മ​ഖ്ന എ​ന്ന മോ​ഴ​യാ​ന ച​വി​ട്ടി​ക്കൊ​ന്ന​ത്.വെ​ള്ളി​യാ​ഴ്ച​യാ​ണ് കു​റു​വാ ദ്വീ​പി​ലെ വ​നം വാ​ച്ച​റാ​യി​രു​ന്ന പാ​ക്കം വെ​ള്ള​ച്ചാ​ലി​ൽ പോ​ളി​നെ മ​റ്റൊ​രു കാ​ട്ടാ​ന ആ​ക്ര​മി​ച്ച​ത്. വാ​രി​യെ​ല്ലി​ന് ഗു​രു​ത​ര പ​രി​ക്കേ​റ്റ പോ​ൾ കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ വ​ച്ചു മ​ര​ണ​ത്തി​ന് കീ​ഴ​ട​ങ്ങു​ക​യാ​യി​രു​ന്നു. ബേലൂർ മഗ്നയെ പിടികൂടാൻ ശ്രമം തുടരുകയാണ്. ദൗത്യം വിജയിക്കാത്തതിനാൽ മയക്കുവെടിവെക്കാൻ ശ്രമം തുടരും. ദൗത്യത്തിൽ നിന്ന് പിന്നോട്ട് പോകില്ലെന്നും ശശീന്ദ്രൻ പറഞ്ഞു. പ്രതിപക്ഷം തന്‍റെ രാജി ആവശ്യപ്പെടുന്നത് ആത്മാര്‍ഥതയില്ലായ്മ മൂലമാണെന്നും മന്ത്രി പ്രതികരിച്ചു.