പണമാണ് വേണ്ടതെന്ന് ഡോ. റുവൈസ് തന്‍റെ മുഖത്ത് നോക്കി പറഞ്ഞു,ഡോ. ഷെഹനയുടെ ആത്മഹത്യാക്കുറിപ്പിലെ കൂടുതല്‍ വിവരങ്ങള്‍ പുറത്ത്
യുഎസ് പ്രസിഡന്‍റ്തെരഞ്ഞെടുപ്പില്‍ നിന്നും ട്രംപിനെ വിലക്കി കൊളറാഡോ സുപ്രീം കോടതി
December 20, 2023
കമലാക്ഷിക്ക് ഇത് പുതിയ ജീവന്‍ ; അഞ്ചര മണിക്കൂര്‍ കഴുത്തൊപ്പം ചെളിയില്‍ പൂണ്ടു കിടന്ന കമലാക്ഷിയെ ഫയര്‍ ഫോഴ്‌സ് രക്ഷപെടുത്തി
December 20, 2023
കൊച്ചി: തിരുവനന്തപുരം മെഡിക്കല്‍ കോളജിലെ പിജി വിദ്യാര്‍ഥിനി ഡോ. ഷെഹനയുടെ ആത്മഹത്യാക്കുറിപ്പിലെ കൂടുതല്‍ വിവരങ്ങള്‍ പുറത്ത്. സുഹൃത്തായിരുന്ന ഡോ. റുവൈസ് മുഖത്ത് നോക്കി പണം ആവശ്യപ്പെട്ടെന്ന് ആത്മഹത്യാക്കുറിപ്പിലുള്ളതായി പൊലീസ് പറഞ്ഞു.
ഹൈക്കോടതിയില്‍ റുവൈസ് നല്‍കിയ ജാമ്യപേക്ഷയെ എതിര്‍ത്തുകൊണ്ട് പൊലീസ് നല്‍കിയ റിപ്പോര്‍ട്ടിലാണ് ഇക്കാര്യങ്ങള്‍ വ്യക്തമാക്കുന്നത്. ഷെഹന മരിക്കുന്നതിന് രണ്ട് ദിവസം മുമ്പ് കോളജ് കാമ്പസില്‍ വച്ചാണ് റുവൈസ് ആവശ്യപ്പെട്ടതെന്ന് പൊലീസ് പറയുന്നു. പ്രതി ഇക്കാര്യം സമ്മതിച്ചതായി ജാമ്യാപേക്ഷ എതിര്‍ത്ത് ഹൈക്കോടതില്‍ സമര്‍പ്പിച്ച റിപ്പോര്‍ട്ടിലുണ്ട്.ചതിയുടെ മുഖംമൂടി തനിക്ക് അഴിച്ചുമാറ്റാന്‍ കഴിഞ്ഞില്ലെന്ന് ഡോ. റുവൈസിനെ കുറിച്ച് ഡോ ഷെഹന പറയുന്നു. പണമാണ് വേണ്ടതെന്ന് തന്‍റെ മുഖത്ത് നോക്കി പറഞ്ഞു. അതിനാല്‍ ഇനി ജീവിക്കാന്‍ തോന്നുന്നില്ലെന്ന് ഷെഹന കുറിച്ചിരിക്കുന്നു.
ചതിക്ക് പകരമായി നല്ല രീതിയില്‍ ജീവിച്ചു കാണിക്കേണ്ടതാണ്. പക്ഷേ തന്‍റെ ഭാവി ശൂന്യമായി തോന്നുന്നുവെന്നും ഇനി ഒരാളെ വിശ്വസിക്കാനോ സ്‌നേഹിക്കാനോ കഴിയില്ലെന്നും ഷെഹന പറയുന്നു. സഹോദരി ഉമ്മയെ നന്നായി നോക്കണമെന്നും ഷെഹന ആത്മഹത്യ കുറിപ്പില്‍ എഴുതിയിരുന്നു.അതേ സമയം, ഷെഹന സുഹൃത്ത് മാത്രമായിരുന്നുവെന്ന റുവൈസിന്‍റെ മൊഴി പൊ ലീസ് തള്ളി. ഇരുവരും അടുത്ത ബന്ധമുണ്ടായിരുന്നു. ഒരുമിച്ച് യാത്രകള്‍ നടത്തിയ ചിത്രങ്ങളും പൊ ലീസ് കോടതിയില്‍ നല്‍കി.
ഡോ. റുവൈസ് നല്‍കിയ ജാമ്യ ഹര്‍ജി ഹൈക്കോടതി ബുധനാഴ്ച പരിഗണിക്കും. ഷെഹനയുടെ ആത്മഹത്യയില്‍ പങ്കില്ലെന്നും മാധ്യമവാര്‍ത്തകളുടെ അടിസ്ഥാനത്തിലാണ് കേസെന്നുമാണ് റുവൈസിന്‍റെ വാദം. മുമ്പ് പൊ ലീസിനെ വിമര്‍ശിച്ചതിന്‍റെ പ്രതികാരമാണ് തന്‍റെ അറസ്റ്റെന്നും റുവൈസ് ആരോപിക്കുന്നു.
