ഭര്‍തൃവീട്ടില്‍ തൂങ്ങിമരിച്ച നിലയില്‍ കാണപ്പെട്ട യുവതി ക്രൂരമായ മര്‍ദനത്തിനിരയായതായി പോസ്റ്റ്‌മോര്‍ട്ടം റിപ്പോര്‍ട്ട്
എസ്എസ്എല്‍സി പരീക്ഷ ; ഭിന്നശേഷിക്കാര്‍ക്ക് പുതിയ സര്‍ട്ടിഫിക്കറ്റ് വേണ്ട : പൊതുവിദ്യാഭ്യാസ ഡയറക്ടറേറ്റ്
November 28, 2023
തോക്കും വെടിയുണ്ടകളും അടങ്ങിയ ബാഗ് ട്രെയിനില്‍ നിന്ന് പുറത്തേയ്ക്ക് എറിഞ്ഞ് പൊലീസുകാര്‍ തമ്മില്‍ തര്‍ക്കം
November 28, 2023
കോട്ടയം : ഭര്‍തൃവീട്ടില്‍ തൂങ്ങിമരിച്ച നിലയില്‍ കാണപ്പെട്ട യുവതി ക്രൂരമായ മര്‍ദനത്തിനിരയായതായി പോസ്റ്റ്‌മോര്‍ട്ടം റിപ്പോര്‍ട്ട്. അതിരമ്പുഴ ശ്രീകണ്ഠമംഗലത്ത് അനില്‍ വര്‍ക്കിയുടെ ഭാര്യ ഷൈമോള്‍ സേവ്യറിനെ (24) ഈ മാസം 7നു രാവിലെയാണു വീട്ടില്‍ മരിച്ച നിലയില്‍ കണ്ടെത്തിയത്.
യുവതിയുടേത് തൂങ്ങിമരണം തന്നെയാണോയെന്നും റിപ്പോര്‍ട്ടില്‍ സംശയം പറയുന്നു. സംഭവത്തില്‍ ഭര്‍തൃപിതാവിനെ ഇന്നലെ അറസ്റ്റ് ചെയ്തു. വര്‍ക്കി(56) ആണ് ഇന്നലെ രാത്രി അറസ്റ്റിലായത്. സംഭവത്തില്‍ യുവതിയുടെ ഭര്‍ത്താവ് അനില്‍ നേരത്തേ അറസ്റ്റിലായിരുന്നു. ഗാര്‍ഹിക പീഡനം, സ്ത്രീധന നിരോധന നിയമം എന്നീ വകുപ്പുകള്‍ പ്രകാരമാണ് അറസ്റ്റ്.
യുവതിയുടെ വയറിനുള്ളില്‍ രക്തം വാര്‍ന്നു കെട്ടിക്കിടന്നിരുന്നതായും കാലില്‍ പഴയതും പുതിയതുമായ മുറിവുകള്‍ കാണപ്പെട്ടതായും പോസ്റ്റ്‌മോര്‍ട്ടം റിപ്പോര്‍ട്ടിലുണ്ട്. കഴുത്തിലെ കശേരുക്കള്‍ക്കു ഒടിവോ പൊട്ടലോ ഇല്ലെന്നും തൂങ്ങിമരണമാണെങ്കില്‍ അതു സംഭവിക്കേണ്ടതാണെന്നും കോട്ടയം മെഡിക്കല്‍ കോളജിന്റെ പോസ്റ്റ്‌മോര്‍ട്ടം റിപ്പോര്‍ട്ട് പറയുന്നു.
മകളുടെ മരണത്തില്‍ അന്വേഷണം ആവശ്യപ്പെട്ടു കുടുംബം ജില്ലാ പൊലീസ് മേധാവിക്കു പരാതി നല്‍കിയിട്ടുണ്ട്. മരണത്തിനു 2 ദിവസം മുന്‍പ് അതിരമ്പുഴയിലെ സ്വന്തം വീട്ടിലെത്തിയ ഷൈമോള്‍ ഭര്‍ത്താവിന്റെ വീട്ടിലെ പീഡനത്തെക്കുറിച്ചു പറഞ്ഞതായി അമ്മ ഷീല പൊലീസിനോട് പറഞ്ഞു.
