എംടിയുടെ ‘നാലുകെട്ടി’ലെ കഥാപാത്രം യൂസഫ് ഹാജി ഓർമയായി

പാലക്കാട് : മലയാളത്തിന്റെ മഹാ സാഹിത്യകാരൻ എംടി വാസുദേവൻ നായരുടെ നാലുകെട്ട് നോവലിലെ ജീവിച്ചിരുന്ന കഥാപാത്രം യൂസഫ് ഹാജി (96) അന്തരിച്ചു. എംടിയെ തേടി സാഹിത്യ കുതുകികൾ കൂടല്ലൂരിൽ എത്തുമ്പോൾ റംല സ്റ്റോഴ്സ് ഉടമയായ യൂസഫ് ഹാജിയേയും തേടിയെത്തി. 

നാലുകെട്ടിലെ കഥാപാത്രമായിരുന്നു യൂസഫ് ​ഹാജിയും അദ്ദേഹം 1948ൽ ആരംഭിച്ച പീടികയും. സാമൂഹിക പ്രവർത്തകൻ കൂടിയായിരുന്നു യൂസഫ് ഹാജി. നാട്ടിൽ വിദ്യാഭ്യാസ സ്ഥാപനങ്ങൾ കെട്ടിപ്പടുക്കുന്നതിലും മുന്നിൽ നിന്നു.