ആഗോള നിലവാരമുള്ള വിദ്യാഭ്യാസത്തിലൂടെയും ആരോഗ്യ രംഗത്തിലൂടെയും കേരളം മാതൃകയായി: കമൽ ഹാസൻ

തിരുവനന്തപുരം: ആഗോള നിലവാരമുള്ള വിദ്യാഭ്യാസത്തിലൂടെയും ആരോഗ്യ രംഗത്തിലൂടെയും കേരളം മാതൃകയായി മാറിയെന്ന് നടൻ കമൽ ഹാസൻ. കേരളത്തിന്റെ പുരോഗതിയും സാംസ്‌കാരിക പാരമ്പര്യവും അവതരിപ്പിക്കുന്ന കേരളീയം മേളയുടെ ഉദ്ഘാടന ചടങ്ങിൽ സംസാരിക്കുകയായിരുന്നു അദ്ദേഹം. ഇത്തരം മാതൃക സൃഷ്ടിച്ച ഇന്ത്യയിലെ ആദ്യ സംസ്ഥാനമാണ് കേരളമെന്നും ഇതര സംസ്ഥാനങ്ങൾക്ക് ഇവ പിന്തുടരാമെന്നും അദ്ദേഹം പറഞ്ഞു. മുഖ്യമന്ത്രി പിണറായി വിജയനടക്കമുള്ള കേരളത്തിലെ നേതൃത്വം വെറുതെയിരിക്കാൻ തയ്യാറല്ലെന്നും അവർ പ്രയത്‌നം തുടർന്നുകൊണ്ടിരിക്കുകയാണെന്നും അദ്ദേഹം അഭിപ്രായപ്പെട്ടു.

കേ​ര​ളം ത​നി​ക്ക് ഏ​റ്റ​വും പ്ര​ത്യേ​ക​ത​യു​ള്ള സ്ഥ​ല​മാ​ണെ​ന്നും അ​ഭി​ന​യ​യാ​ത്ര​യി​ൽ കേ​ര​ളം പ്ര​ധാ​ന പാ​ഠ​ശാ​ല​യാ​ണെ​ന്നും ക​മ​ൽ കൂ​ട്ടി​ച്ചേ​ർ​ത്തു.ഇ​ന്ന് ഈ ​വേ​ദി​യി​ല്‍ താ​ന്‍ ഇം​ഗ്ലീ​ഷി​ലാ​ണ് പ്ര​സം​ഗി​ക്കു​ന്ന​ത് എ​ന്ന ആ​മു​ഖ​ത്തോ​ടെ​യാ​ണ് ക​മ​ല്‍ പ്ര​സം​ഗം ആ​രം​ഭി​ച്ച​ത്. താ​ന്‍ പ​റ​യു​ന്ന​ത് രാ​ജ്യം മു​ഴു​വ​ന്‍ കേ​ള്‍​ക്ക​ണം, അ​തു വ​ഴി അ​വ​ര്‍ കേ​ര​ള​ത്തെ മ​ന​സി​ലാ​ക്ക​ട്ടെ​യെ​ന്നും ക​മ​ല്‍ പ​റ​ഞ്ഞു.കേ​ര​ളം എ​ന്‍റെ ജീ​വി​ത യാ​ത്ര​യി​ലെ പ്ര​ധാ​ന സ്ഥ​ല​മാ​ണ്. എ​ന്‍റെ ക​ലാ ജീ​വി​ത​ത്തെ എ​ന്നും പ്രോ​ത്സാ​ഹി​പ്പി​ച്ച ജ​ന​ത​യാ​ണ് കേ​ര​ള​ത്തി​ലു​ള്ള​ത്. എ​ന്നും കേ​ര​ള​ത്തി​ല്‍ ഞാ​ന്‍ വ​രു​ന്ന​ത് പു​തു​താ​യി എ​ന്തെ​ങ്കി​ലും പ​ഠി​ക്കാ​നോ, അ​തി​ല്‍ നി​ന്നും പ്ര​ചോ​ദ​നം ഉ​ള്‍​കൊ​ള്ളാ​നോ ആ​ണെ​ന്നും ക​മ​ൽ പ​റ​ഞ്ഞു.

2017 ല്‍ ​ഞാ​ന്‍ രാ​ഷ്ട്രീ​യ​ത്തി​ല്‍ ഇ​റ​ങ്ങാ​ന്‍ തീ​രു​മാ​നി​ച്ച​തി​ന് പി​ന്നാ​ലെ കേ​ര​ള​ത്തി​ല്‍ എ​ത്തി മു​ഖ്യ​മ​ന്ത്രി പി​ണ​റാ​യി വി​ജ​യ​നി​ല്‍ നി​ന്നും ഉ​പ​ദേ​ശം തേ​ടി​യി​രു​ന്നു​വെ​ന്നും ജ​ന​കേ​ന്ദ്രീ​കൃ​ത രാ​ഷ്ട്രീ​യം എ​ന്ന ത​ന്‍റെ ആ​ശ​യം കേ​ര​ള മോ​ഡ​ലി​ല്‍ നി​ന്നും രൂ​പ​പ്പെ​ടു​ത്തി​യ​താ​ണെ​ന്നും താ​രം കൂ​ട്ടി​ച്ചേ​ർ​ത്തു.ജ​നാ​ധി​പ​ത്യം ശ​രി​ക്കും ന​ട​പ്പി​ലാ​ക്ക​പ്പെ​ടു​ന്ന​ത് വി​കേ​ന്ദ്രീ​കൃ​ത ആ​സൂ​ത്ര​ണ​ത്തി​ലൂ​ടെ​യാ​ണ്. അ​തി​ല്‍ ഇ​ന്ത്യ​യ്ക്ക് സ്വീ​ക​രി​ക്കാ​വു​ന്ന മാ​തൃ​ക​യാ​ണ് കേ​ര​ള​മെ​ന്നും ക​മ​ൽ എ​ടു​ത്തു​പ​റ​ഞ്ഞു. കോ​വി​ഡ് കാ​ല​ത്ത് അ​ട​ക്കം കേ​ര​ളം ന​ട​ത്തി​യ പ്ര​തി​രോ​ധ​വും അ​ദ്ദേ​ഹം പ്ര​ത്യേ​കം പ​രാ​മ​ർ​ശി​ച്ചു.

തിരുവനന്തപുരം സെൻട്രൽ സ്റ്റേഡിയത്തിൽ നടക്കുന്ന പരിപാടി മുഖ്യമന്ത്രി പിണറായി വിജയൻ ഉദ്ഘാടനം ചെയ്തു. സിനിമാ താരങ്ങളായ മമ്മൂട്ടി, മോഹൻ ലാൽ, ശോഭന തുടങ്ങിയവരും പരിപാടിയിൽ പങ്കെടുക്കുന്നുണ്ട്. ഏഴ് ദിവസങ്ങളിലായി തെരുവു വേദികൾ അടക്കം 44 ഇടങ്ങളിൽ ആണ് കേരളീയം നടക്കുന്നത്. കല-സാംസ്‌കാരിക പരിപാടികൾ, ഭക്ഷ്യ മേളകൾ, സെമിനാറുകൾ, പ്രദർശനങ്ങൾ തുടങ്ങി ഒട്ടനവധി വിരുന്നുകളാണ് കേരളീയത്തിൽ സർക്കാർ ഒരുക്കിയിരിക്കുന്നത്. കേരളീയത്തിനൊപ്പം സമാന്തരമായി നിയമസഭാ പുസ്തകോത്സവത്തിനും ഇന്ന് തുടക്കമാകും. മുഖ്യമന്ത്രി തന്നെയാണ് പുസ്തകോത്സവത്തിന്റെയും ഉദ്ഘാടനം നിർവഹിക്കുക. സമഗ്ര സംഭാവനയ്ക്കുള്ള ‘നിയമസഭാ അവാർഡ്’ മലയാളത്തിന്റെ പ്രിയ എഴുത്തുകാരൻ എം.ടി വാസുദേവൻ നായർക്ക് മുഖ്യമന്ത്രി സമ്മാനിക്കും