ലോകകപ്പ് 2023 : ജയം മാത്രം ലക്ഷ്യമിട്ട് പാകിസ്ഥാൻ ദക്ഷിണാഫ്രിക്കക്കെതിരെ ആദ്യം ബാറ്റ് ചെയ്യും
ചെന്നൈ : ലോകകപ്പില്‍ പ്രതീക്ഷ നിലനിര്‍ത്താന്‍ പാകിസ്ഥാന് ജയം അനിവാര്യം. മികച്ച ബാറ്റിങുമായി കളം നിറയുന്ന ദക്ഷിണാഫ്രിക്ക സെമി ഉറപ്പിക്കാന്‍ കച്ച കെട്ടുന്നു.
ടോസ് പാകിസ്ഥാനു കിട്ടി. ചെപ്പോക്കില്‍ അവര്‍ ആദ്യം ബാറ്റ് ചെയ്യാന്‍ തീരുമാനിച്ചു. പനിയെ തുടര്‍ന്ന് പേസര്‍ ഹസന്‍ അലി ഇന്ന് പാക് നിരയില്‍ കളിക്കുന്നില്ല.
പാകിസ്ഥാനെതിരെ 1999 ലോകകപ്പിലാണ് അവസാനമായി ദക്ഷിണാഫ്രിക്ക വിജയിച്ചത്. 24 വര്‍ഷത്തെ കാത്തിരിപ്പ് അവസാനിപ്പിക്കാനാണ് അവര്‍ ഇറങ്ങുന്നത്.
