ഡൽഹിയിലെ വായുനിലവാരം അതീവ ഗുരുതരാവസ്ഥയിലേക്ക്, ശ്വാ​സം​മു​ട്ടി രാ​ജ്യ​ത​ല​സ്ഥാ​നം

ന്യൂ​ഡ​ൽ​ഹി: ശൈ​ത്യ​കാ​ല​ത്തി​ന് തു​ട​ക്ക​മാ​യ​തോ​ടെ രാ​ജ്യ​ത​ല​സ്ഥാ​ന​ത്ത് വാ​യു​മ​ലി​നീ​ക​ര​ണം രൂ​ക്ഷ​മാ​യി തു​ട​രു​ന്നു. ശ​രാ​ശ​രി വാ​യു​നി​ല​വാ​ര സൂ​ചി​ക ചൊ​വ്വാ​ഴ്ച 303 ആ​ണ്. തു​ട​ർ​ച്ച​യാ​യ മൂ​ന്നാം ദി​വ​സ​വ​മാ​ണ് വാ​യു​നി​ല​വാ​ര സൂ​ചി​ക 300 ക​ട​ക്കു​ന്ന​ത്. ഞാ​യ​റാ​ഴ്ച 302 ഉം ​തി​ങ്ക​ളാ​ഴ്ച 309 ഉം ​ആ​യി​രു​ന്നു ക​ണ​ക്ക്.

വ​രും​ദി​വ​സ​ങ്ങ​ളി​ൽ 30 ശ​ത​മാ​നം വ​രെ ഉ​യ​രാ​നാ​ണ് സാ​ധ്യ​ത. 400 നു ​മു​ക​ളി​ലേ​ക്ക് പോ​യാ​ൽ അ​ത് അ​തി​ഗു​രു​ത​രാ​വ​സ്ഥ​യി​ലേ​ക്ക് എ​ത്തി​ക്കും. കാ​ൻ​സ​റും ഹൃ​ദ​യ​സം​ബ​ന്ധ​മാ​യ പ്ര​ശ്ന​ങ്ങ​ളും ഉ​ൾ​പ്പെ​ടെ​യു​ള്ള മാ​ര​ക രോ​ഗ​ങ്ങ​ൾ വ​ർ​ധി​ക്കാ​ൻ സാ​ധ്യ​ത​യു​ണ്ടെ​ന്ന് ആ​രോ​ഗ്യ​വ​കു​പ്പ് മു​ന്ന​റി​യി​പ്പു ന​ൽ​കി​യി​ട്ടു​ണ്ട്. ഡ​ൽ​ഹി യൂ​ണി​വേ​ഴ്സി​റ്റി പ​രി​സ​ര​ത്തും ഇ​ന്ദി​രാ​ഗാ​ന്ധി അ​ന്ത​ർ​ദേ​ശീ​യ വി​മാ​ന​ത്താ​വ​ള പ​രി​സ​ര​ത്തു​മാ​ണ് നി​ല​വി​ൽ വാ​യു​നി​ല​വാ​രം ഏ​റ്റ​വും കു​റ​വ് രേ​ഖ​പ്പെ​ടു​ത്തി​യ​ത്.

വാ​യു മ​ലി​നീ​ക​ര​ണം കു​റ​യ്ക്കാ​ൻ വ​രും​ദി​വ​സ​ങ്ങ​ളി​ൽ ശ​ക്ത​മാ​യ നി​യ​ന്ത്ര​ണ​ങ്ങ​ൾ ന​ട​പ്പാ​ക്കാ​നാ​ണു സ​ർ​ക്കാ​ർ നീ​ക്കം. പ്ര​തി​സ​ന്ധി ക​ടു​ത്ത​തോ​ടെ സ​ർ​ക്കാ​ർ ക​ർ​മ​പ​ദ്ധ​തി​യാ​യ ഗ്രേ​ഡ​ഡ് റെ​സ്പോ​ൺ​സ് ആ​ക്ഷ​ൻ പ്ലാ​ൻ സ്റ്റേ​ജ്-2 ന​ട​പ്പാ​ക്കി​ത്തു​ട​ങ്ങി. പ്ര​ധാ​ന​മാ​യും സ്വ​കാ​ര്യ​വാ​ഹ​ന​ങ്ങ​ൾ നി​ര​ത്തി​ലേ​ക്കി​റ​ക്കു​ന്ന​ത് കു​റ​യ്ക്കു​ക, പൊ​തു​ഗ​താ​ഗ​ത സം​വി​ധാ​ന​ത്തെ കൂ​ടു​ത​ൽ ആ​ശ്ര​യി​ക്കാ​ൻ ജ​ന​ങ്ങ​ളെ പ്രോ​ത്സാ​ഹി​പ്പി​ക്കു​ക, മെ​ട്രോ സ​ർ​വീ​സു​ക​ൾ കൂ​ടു​ത​ൽ കാ​ര്യ​ക്ഷ​മ​മാ​ക്കു​ക തു​ട​ങ്ങി​യ​വ​യാ​ണ് സ​ർ​ക്കാ​രി​ന്‍റെ ല​ക്ഷ്യം.

വാ​യു മ​ലി​നീ​ക​ര​ണം വ​ർ​ധി​ക്കു​ന്ന സാ​ഹ​ച​ര്യ​ത്തി​ൽ ഹ​രി​യാ​ന, പ​ഞ്ചാ​ബ്, ഉ​ത്ത​ർ​പ്ര​ദേ​ശ് സം​സ്ഥാ​ന​ങ്ങ​ളി​ലെ കൃ​ഷി​സ്ഥ​ല​ങ്ങ​ളി​ൽ വൈ​ക്കോ​ൽ കൂ​ട്ട​മാ​യി ക​ത്തി​ക്കു​ന്ന​തും സ്ഥി​തി​ഗ​തി​ക​ൾ രൂ​ക്ഷ​മാ​ക്കാ​റു​ണ്ട്. ഇ​തു ത​ട​യു​ന്ന​ത് പ​രി​ശോ​ധി​ക്കാ​ൻ റി​ട്ട. ജ​സ്റ്റീ​സ് മ​ദ​ൻ ബി. ​ലോ​ക്കൂ​ർ അ​ധ്യ​ക്ഷ​നാ​യ സ​മി​തി​യെ സു​പ്രീം​കോ​ട​തി നി​യോ​ഗി​ച്ചി​രു​ന്നു.