കെഎസ്ആർടിസി ബസിൽ യുവതിക്ക് നേരെ ലൈംഗീകാതിക്രമം; പെരുമ്പാവൂരിൽ കോയമ്പത്തൂർ സ്വദേശി പിടിയിൽ
ബംഗ്ലാദേശില്‍ ട്രെയിനുകള്‍ കൂട്ടിയിടിച്ച് 20 പേര്‍ മരിച്ചു
October 23, 2023
നാണംകെട്ട് പാകിസ്ഥാൻ, അഫ്‌ഗാനിസ്ഥാനെതിരെ 8 വിക്കറ്റിന്റെ വമ്പൻ തോൽവി
October 24, 2023
പെരുമ്പാവൂർ: പെരുമ്പാവൂരിൽ കെഎസ്ആർടിസി ബസിൽ യുവതിക്ക് നേരെ സഹയാത്രികന്‍റെ ലൈംഗീകാതിക്രമം. പത്തനംതിട്ടയിൽ നിന്ന് കോയമ്പത്തൂരിലേക്ക് പോകുന്ന കെഎസ്ആർടിസി സൂപ്പർഫാസ്റ്റ് ബസിൽ ഇന്ന് ഉച്ചയ്ക്കാണ് സംഭവം. സംഭവത്തിൽ തമിഴ്നാട് കോയമ്പത്തൂര്‍ സ്വദേശി മുഹമ്മദ് അസറുദീനെ പൊലീസ് അറസ്റ്റ് ചെയ്തു.
പെരുമ്പാവൂർ ഡിപ്പോയിൽ നിന്നും പുറപ്പെട്ട ബസ് വല്ലം പള്ളിപ്പടിയിൽ എത്തിയപ്പോൾ തൊട്ടടുത്ത സീറ്റിൽ ഇരുന്ന മുഹമ്മദ് യാത്രക്കാരിയോട് ഇയാള്‍ മോശമായി പെരുമാറുകയായിരുന്നു. ഇത് ചോദ്യം ചെയ്ത യുവതിക്ക് നേരെ ഇയാൾ നഗ്നതാ പ്രദർശനവും നടത്തി. തുടർന്ന് യാത്രക്കാരി ബഹളം വച്ചതിനെ തുടർന്ന് ബസിലുണ്ടായിരുന്ന സഹയാത്രികര്‍ ഇടപെട്ടു. അസറുദീനെ തടഞ്ഞുവച്ച് കണ്ടക്ടർ പൊലീസിനെ വിവരം അറിയിച്ചു. പിന്നാലെ പെരുമ്പാവൂർ പൊലീസ് സ്ഥലത്തെത്തി മുഹമ്മദ് അസറുദ്ദീനെ കസ്റ്റഡിയിൽ എടുത്തു. പെൺകുട്ടി നൽകിയ പരാതിയുടെയും മൊഴിയുടെയും അടിസ്ഥാനത്തിൽ ഇയാൾക്കെതിരെ കേസെടുത്തു.
