ക​ണ്ണൂ​രി​ൽ കേ​ള​ക​ത്ത് വീ​ണ്ടും മാ​വോ​യി​സ്റ്റ് സാ​ന്നി​ധ്യം

ക​ണ്ണൂ​ർ: കേ​ള​കം രാ​മ​ച്ചി​യി​ൽ വീ​ണ്ടും മാ​വോ​യി​സ്റ്റ് സാ​ന്നി​ധ്യം. ഞാ​യ​റാ​ഴ്ച രാ​ത്രി അ​ഞ്ചം​ഗ സാ​യു​ധ​സം​ഘം രാ​മ​ച്ചി​യി​ലെ ഒ​രു വീ​ട്ടി​ലെ​ത്തി ഫോ​ണു​ക​ൾ ചാ​ർ​ജ് ചെ​യ്തു. രാ​ത്രി പ​ത്തേ​മു​ക്കാ​ലോ​ടെ സം​ഘം മ​ട​ങ്ങി​യ​തി​നു പി​ന്നാ​ലെ​യാ​ണ് വീ​ട്ടു​കാ​ർ പൊലീ​സി​നെ വി​വ​ര​മ​റി​യി​ച്ച​ത്. തു​ട​ർ​ന്ന്  പൊ ​ലീ​സ് സം​ഘം സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.

ക​ർ‌​ണാ​ട​ക വ​നാ​തി​ർ​ത്തി മേ​ഖ​ല​യാ​യ കേ​ള​ക​ത്ത് ഏ​റെ​നാ​ളാ​യി മാ​വോ​യി​സ്റ്റ് സാ​ന്നി​ധ്യ​മു​ണ്ട്. മാ​സ​ത്തി​ൽ രണ്ടോ മൂ​ന്നോ ത​വ​ണ മാ​വോ​യി​സ്റ്റ് സം​ഘ​ങ്ങ​ൾ ഇ​വി​ടെ​യെ​ത്താ​റു​ണ്ട്.വ​യ​നാ​ട്ടി​ൽ ഫോ​റ​സ്റ്റ് ഓ​ഫീ​സി​നു നേ​രെ ആ​ക്ര​മ​ണ​മു​ണ്ടാ​യ പ​ശ്ചാ​ത്ത​ല​ത്തി​ൽ ഈ ​ഭാ​ഗ​ത്തും നി​രീ​ക്ഷ​ണം ശ​ക്ത​മാ​ക്കി​യി​രു​ന്നു. ഇ​രി​ട്ടി എ​സി​പി​യു​ടെ നേ​തൃ​ത്വ​ത്തി​ൽ ര​ണ്ടു​ദി​വ​സം മു​മ്പ് ഹെ​ലി​കോ​പ്ട​ർ ഉ​ൾ​പ്പെ​ടെ ഉ​പ​യോ​ഗി​ച്ച് നി​രീ​ക്ഷ​ണം ന​ട​ത്തി​യി​രു​ന്നു. ഇ​തി​നു പി​ന്നാ​ലെ​യാ​ണ് വീ​ണ്ടും മാ​വോ​യി​സ്റ്റു​ക​ൾ എ​ത്തി​യ​ത്.