24-ാം ഗ്രാ​ൻ​സ്‌​ലാം കി​രീടം, പുരുഷ ടെന്നീസിൽ ചരിത്രം കുറിച്ച് നൊ​വാ​ക് ജോ​ക്കോ​വിച്ച്

ന്യൂ​യോ​ർ​ക്ക്: യു​എ​സ് ഓ​പ്പ​ൺ പു​രു​ഷ സിം​ഗി​ൾ​സ് കി​രീ​ടം സെ​ർ​ബി​യ​ൻ സൂ​പ്പ​ർ താ​രം നൊ​വാ​ക് ജോ​ക്കോ​വിച്ചിന്.  ഫൈ​ന​ലി​ൽ മൂ​ന്നാം സീ​ഡ് റ​ഷ്യ​യു​ടെ ഡാ​നിയേൽ  മെ​ദ്‌​വ​ദേ​വി​നെ​യാ​ണ് ജോ​ക്കോ​വി​ച്ച് തോ​ൽ​പ്പി​ച്ച​ത്. മൂ​ന്നു സെ​റ്റു​ക​ളും സ്വ​ന്ത​മാ​ക്കി​യാ​യി​രു​ന്നു ജോ​ക്കോ​യു​ടെ ഏ​ക​പ​ക്ഷീ​യ വി​ജ​യം. സ്കോ​ർ: 6-3, 7-6 (7/5), 6-3.

ജോ​ക്കോ​വി​ന്‍റെ 24-ാം ഗ്രാ​ൻ​സ്‌​ലാം കി​രീ​ട​മാ​ണി​ത്. ഇ​തോ​ടെ 24 ഗ്രാ​ൻ​സ്‌​ലാം സിം​ഗി​ൾ​സ് കി​രീ​ടം സ്വ​ന്ത​മാ​ക്കു​ന്ന ആ​ദ്യ പു​രു​ഷ താ​രം എ​ന്ന ച​രി​ത്ര​നേ​ട്ട​വും ജോ​ക്കോ​വി​ച്ച് സ്വ​ന്ത​മാ​ക്കി. വ​നി​താ താ​ര​ങ്ങ​ളെ കൂ​ടി പ​രി​ഗ​ണി​ച്ചാ​ൽ ഓ​സ്ട്രേ​ലി​യ​ൻ താ​രം മാ​ർ​ഗ​ര​റ്റ് കോ​ർ​ട്ടി​ന് (24 കി​രീ​ട​ങ്ങ​ൾ) ഒ​പ്പ​മെ​ത്തി ജോ​ക്കോ​വി​ച്ച്.

2021ലെ ഫൈനലിൽ ഇരുവരും ഇവിടെ ഏറ്റുമുട്ടിയപ്പോൾ റഷ്യൻ താരം മെദ്‌വദെവിനായിരുന്നു ജയം. ര​ണ്ടാം സീ​ഡാ​യ ജോ​ക്കോ​യ്ക്കു നേ​രെ ര​ണ്ടാം സെ​റ്റി​ൽ മാ​ത്ര​മാ​ണ് മെ​ദ്‌​വ​ദേ​വി​ന് വെ​ല്ലു​വി​ളി ഉ​യ​ർ​ത്താ​നാ​യ​ത്. ര​ണ്ടാം സെ​റ്റ് ജോ​ക്കോ ടൈ​ബ്രേ​ക്ക​റി​ലേ​ക്കു നീ​ട്ടി നേ​ടി​യെ​ടു​ത്തു. റി​ട്ടേ​ണു​ക​ളി​ൽ ത​ന്‍റെ പ​തി​വ് ആ​ധി​പ​ത്യം പു​ല​ർ​ത്തി​യ മു​പ്പ​ത്താ​റു​കാ​ര​നാ​യ ജോ​ക്കോ മൂ​ന്നു സെ​റ്റ് അ​നാ​യാ​സം സ്വ​ന്ത​മാ​ക്കി.

ക​രി​യ​റി​ൽ നാ​ലാം ത​വ​ണ​യാ​ണ് ജോ​ക്കോ യു​എ​സ് ഓ​പ്പ​ൺ ചാ​മ്പ്യ​നാ​കു​ന്ന​ത്. 2023 സീ​സ​ണി​ലെ ജോ​ക്കോ​വി​ച്ചി​ന്‍റെ മൂ​ന്നാം ഗ്രാ​ൻ​സ്‌​ലാം കി​രീ​ട​മാ​ണി​ത്. 2023ൽ ​ഓ​സ്ട്രേ​ലി​യ​ൻ, ഫ്ര​ഞ്ച് ഓ​പ്പ​ണ്‍ ജോ​ക്കോ​വി​ച്ച് നേ​ടി​യി​രു​ന്നു. എ​ന്നാ​ൽ, വിം​ബി​ൾ​ഡ​ണ്‍ ഫൈ​ന​ലി​ൽ സ്പെ​യി​നി​ന്‍റെ കാ​ർ​ലോ​സ് അ​ൽ​ക്കാ​ര​സി​നോ​ട് പ​രാ​ജ​യ​പ്പെ​ട്ടു.

ജോ​ക്കോ​വി​ച്ചി​ന്‍റെ 24 ഗ്രാ​ൻ​സ്‌​ലാം സിം​ഗി​ൾ​സ് കി​രീ​ട​ങ്ങ​ൾ

10 ഓ​സ്ട്രേ​ലി​യ​ൻ ഓ​പ്പ​ൺ (2008, 2011, 2012, 2013, 2015, 2016, 2019, 2020, 2021, 2023)
ഏ​ഴു വി​മ്പി​ൾ​ഡ​ൺ (2011, 2014, 2015, 2018, 2019, 2021, 2022)
നാ​ലു യു​എ​സ് ഓ​പ്പ​ൺ (2011, 2015, 2018, 2023)
മൂ​ന്നു ഫ്ര​ഞ്ച് ഓ​പ്പ​ൺ (2016, 2021, 2023)