ഓഡിയോ ക്ലിപ് പുറത്തുവിട്ട വിജയൻ മന്ത്രി വാസവന്റെ സഹയാത്രികൻ , പോളിങ് ശതമാനം ഉയർന്നാൽ ഗുണം യുഡിഎഫിനെന്ന് വി.ഡി സതീശൻ

കോ​ട്ട​യം: ഉമ്മൻ ചാണ്ടിയുടെ ചി​കി​ത്സാ​വി​വാ​ദ​വു​മാ​യി ബ​ന്ധ​പ്പെ​ട്ട ഓ​ഡി​യോ പു​റ​ത്തു​വി​ട്ട​ത് കോ​ണ്‍​ഗ്ര​സ് പ്ര​വ​ര്‍​ത്ത​ക​രാ​ണെ​ന്ന വി.​എ​ന്‍. വാ​സ​വ​ന്‍റെ ആ​രോ​പ​ണ​ത്തി​ന് മ​റു​പ​ടി​യു​മാ​യി പ്ര​തി​പ​ക്ഷ നേ​താ​വ് വി.​ഡി.​സ​തീ​ശ​ന്‍. ഓ​ഡി​യോ ക്ലി​പ്പി​ന് പി​ന്നി​ല്‍ ആ​രാ​ണെ​ന്ന് ത​ങ്ങ​ള്‍​ക്ക് മ​ന​സി​ലാ​യി​ട്ടി​ല്ല. അ​ക്കാ​ര്യം ആ​കെ മ​ന​സി​ലാ​യി​രി​ക്കു​ന്ന​ത് വാ​സ​വ​നാ​ണെ​ന്ന് സ​തീ​ശ​ന്‍ പ​റ​ഞ്ഞു.

ഓ​ഡി​യോ ക്ലി​പ്പ് പു​റ​ത്തു​വി​ട്ടെ​ന്ന് വാ​സ​വ​ന്‍ പ​റ​ഞ്ഞ വി​ജ​യ​കു​മാ​ര്‍ നേ​ര​ത്തേ കോ​ണ്‍​ഗ്ര​സു​മാ​യി ബ​ന്ധ​മു​ണ്ടാ​യി​രു​ന്ന ആ​ളാ​ണ്. എ​ന്നാ​ല്‍ ഇ​യാ​ള്‍ ഇ​പ്പോ​ള്‍ വാ​സ​വ​ന്‍റെ സ​ഹ​യാ​ത്രി​ക​നാ​ണ്. ഇ​തോ​ടെ ഇ​തി​ന് പി​ന്നി​ല്‍ ആ​രാ​ണെ​ന്ന് വ്യ​ക്ത​മാ​യെ​ന്നും സ​തീ​ശ​ന്‍ പ്രതികരിച്ചു. ഇ​ത്ത​രം വി​ഷ​യ​ങ്ങ​ള്‍ തെ​ര​ഞ്ഞെ​ടു​പ്പ് ദി​വ​സ​മ​ല്ല ച​ര്‍​ച്ച ചെ​യ്യേ​ണ്ട​ത്. മു​ഖ്യ​മ​ന്ത്രി​ക്കോ മ​ന്ത്രി​മാ​ര്‍​ക്കോ ഈ ​വി​ഷ​യ​ത്തി​ല്‍ നേ​ര​ത്തേ പ്ര​തി​ക​രി​ക്കാ​ന്‍ അ​വ​സ​ര​മു​ണ്ടാ​യി​രു​ന്നു.

സി​പി​എം എ​ത്ര ഉ​യ​ര്‍​ന്ന നി​ല​വാ​ര​ത്തി​ല്‍ സം​സാ​രി​ച്ചാ​ലും അ​വ​ര്‍ ചെ​യ്യു​ന്ന​ത് നി​ല​വാ​രം കു​റ​ഞ്ഞ കാ​ര്യ​ങ്ങ​ളാ​ണ്. തെ​ര​ഞ്ഞെ​ടു​പ്പ് ദി​വ​സ​വും ഉ​മ്മ​ന്‍ ചാ​ണ്ടി​യു​ടെ കു​ടും​ബ​ത്തെ വേ​ട്ട​യാ​ടു​ക​യാ​ണെ​ന്നും സ​തീ​ശ​ന്‍ പ​റ​ഞ്ഞു.ഇ​തി​നെ​ല്ലാ​മു​ള്ള മ​റു​പ​ടി പു​തു​പ്പ​ള്ളി​യി​ലെ വോ​ട്ട​ര്‍​മാ​ര്‍ ന​ല്‍​കും. യ​ഥാ​ര്‍​ഥ ക​ണ്യൂ​ണി​സ്റ്റു​കാ​ര്‍ ചാ​ണ്ടി ഉ​മ്മ​ന് വോ​ട്ട് ചെ​യ്യും. ഈ ​ധാ​ര്‍​ഷ്ട്യ​ത്തി​നും ധി​ക്കാ​ര​ത്തി​നും ഒ​രു താ​ക്കീ​ത് വേ​ണ​മെ​ന്ന് അ​വ​ര്‍ പോ​ലും ചി​ന്തി​ക്കു​ന്നു​ണ്ടെ​ന്നും സ​തീ​ശ​ന്‍ വ്യ​ക്ത​മാ​ക്കി.

ഉമ്മൻ ചാണ്ടിയുടെ സ്വാധീനവും സർക്കാർ വിരുദ്ധ വികാരവുമാണ് സ്വപ്‌ന തുല്യമായ ഭൂരിപക്ഷം കിട്ടുമെന്ന പ്രതീക്ഷ തങ്ങൾ പങ്കുവയ്ക്കാൻ കാരണം. ഭൂരിപക്ഷത്തിന്റെ കൃത്യമായ കണക്കുപറയാത്തത് അതിനപ്പുറത്തേക്ക് പോവുമെന്നതു കൊണ്ടാണ്. തൃക്കാക്കര തെരഞ്ഞെടുപ്പ് സമയത്ത് താൻ അശ്ലീലവീഡിയോ പ്രചരിപ്പിച്ചെന്ന് വരെ എൽഡിഎഫ് പറഞ്ഞു. എന്തും പറയാനും പ്രചരിപ്പിക്കാനും യാതൊരു മടിയുമില്ലാത്ത ആളുകളാണ്. തെരഞ്ഞെടുപ്പിൽ വികസനം ചർച്ചയാക്കണമെന്ന് പറഞ്ഞു. എന്നാലവർ നടത്തിയത് അച്ചു ഉമ്മനെതിരായ അധിക്ഷേപമാണ്, പ്രചരണമാണ്.

എൽഡിഎഫിന്റെ തെരഞ്ഞെടുപ്പ് പ്രചരണത്തിന് നേതൃത്വം കൊടുക്കുന്നവർ തുടക്കംമുതൽ പരിഭ്രാന്തിയിലാണ്. എന്ത് പറയണമെന്നും ചർച്ച ചെയ്യണമെന്നും യാതൊരു ഐഡിയയുമില്ലെന്നും സതീശൻ ആരോപിച്ചു. ഇന്ന് ശരിക്ക് ചർച്ചയാവേണ്ടത് എ.സി മൊയ്തീനും കരുവന്നൂർ ബാങ്ക് തട്ടിപ്പുമായിരുന്നു. എന്തുകൊണ്ടാണ് എ.സി മൊയ്തീൻ ഇ.ഡിക്ക് മുന്നിൽ ഹാജരാവാതിരുന്നത്. പുതുപ്പള്ളി തെരഞ്ഞെടുപ്പ് കഴിഞ്ഞിട്ട് പോകാമെന്നാണ് പറഞ്ഞത്. മുമ്പ് പോയിരുന്നെങ്കിൽ ഇന്നത്തെ ചർച്ച അതാകുമായിരുന്നു.

ഏകദേശം 315 കോടി രൂപ അടിച്ചുമാറ്റി ആളുകളെ പറ്റിച്ച് അവരെ ജീവനൊടുക്കലിന്റെ മുനമ്പിലെത്തിച്ചിരിക്കുകയാണ്. ഉപതെരഞ്ഞെടുപ്പ് സമയത്ത് ജനങ്ങളെ ഭയന്നാണ് എ.സി മൊയ്തീൻ ഇ.ഡിക്ക് മുന്നിൽ ഹാജരാവാതിരുന്നത്. പോളിങ് ശതമാനം ഉയർന്നാൽ അത് ഗുണകരമാവുക യുഡിഎഫിനാണ്. തങ്ങൾ നന്നായി പ്രവർത്തിച്ചതിന്റെ ഫലമാണിതെന്നും സതീശൻ കൂട്ടിച്ചേർത്തു.