ഭ​യമില്ലാ​തെ ജീ​വി​ക്കാ​ൻ മൃ​ഗ​ങ്ങ​ൾക്കും അവകാശമുണ്ട്, ​ മുതു​മ​ല ക​ടു​വ സ​ങ്കേ​ത​ത്തോ​ട് ചേ​ർ​ന്നു​ള്ള 495 കു​ടും​ബ​ങ്ങ​ളെ മാ​റ്റി​പാ​ർ​പ്പി​ക്കണമെന്ന് മ​ദ്രാ​സ് ഹൈ​ക്കോ​ട​തി

ചെ​ന്നൈ: വ​ന്യ​മൃ​ഗ​ങ്ങ​ളു​ടെ സം​ര​ക്ഷ​ണ​ത്തി​നാ​യി മ​നു​ഷ്യ​രെ മാ​റ്റി​പാ​ർ​പ്പി​ക്ക​ണ​മെ​ന്ന സു​പ്ര​ധാ​ന ഉ​ത്ത​ര​വു​മാ​യി മ​ദ്രാ​സ് ഹൈ​ക്കോ​ട​തി. മു​തു​മ​ല ക​ടു​വ സ​ങ്കേ​ത​ത്തോ​ട് ചേ​ർ​ന്നു​ള്ള തെങ്ങുമറഹദ ഗ്രാമത്തിലെ 495 കു​ടും​ബ​ങ്ങ​ളെ മാ​റ്റി​പാ​ർ​പ്പി​ക്കാ​നാ​ണ് ഉ​ത്ത​ര​വ്. ഭ​യം കൂ​ടാ​തെ ജീ​വി​ക്കാ​ൻ മൃ​ഗ​ങ്ങ​ൾ​ക്ക് അ​വ​കാ​ശ​മു​ണ്ടെ​ന്നും വ​നം, വ​ന്യ​മൃ​ഗ​സം​ര​ക്ഷ​ണം ഭ​ര​ണ​ഘ​ട​ന​പ​ര​മാ​യ ഉ​ത്ത​ര​വാ​ദി​ത്ത​മാ​ണെ​ന്നും കോ​ട​തി വ്യ​ക്ത​മാ​ക്കി.

ഓ​രോ കു​ടും​ബ​ത്തി​നും 15 ല​ക്ഷം രൂ​പ ന​ഷ്ട​പ​രി​ഹാ​രം ന​ൽ​ക​ണ​മെ​ന്നും ഉ​ത്ത​ര​വി​ലു​ണ്ട്. ഉ​ത്ത​ര​വ് ന​ട​പ്പാ​ക്കി ഒ​ക്ടോ​ബ​ർ പ​ത്തി​ന​കം റി​പ്പോ​ർ​ട്ട് സ​മ​ർ​പ്പി​ക്കാ​നും കോ​ട​തി നി​ർ​ദേ​ശി​ച്ചി​ട്ടു​ണ്ട്. ജ​സ്റ്റീ​സ് എ​ൻ. സ​തീ​ഷ് കു​മാ​ർ, ഡി.​ ഭാ​ര​ത​ച​ക്ര​വ​ർ​ത്തി എ​ന്നി​വ​രു​ടെ ബെ​ഞ്ചാ​ണ് ഉ​ത്ത​ര​വി​റ​ക്കി​യ​ത്. കേ​ന്ദ്ര​ത്തി​ന്‍റെ സി​എ​എം​പി​എ ഫ​ണ്ടി​ൽ നി​ന്നും 74.25 കോ​ടി ന​ൽ​ക​ണം. ര​ണ്ട് മാ​സ​ത്തി​ന​കം തു​ക ത​മി​ഴ്നാ​ട് വ​നം​വ​കു​പ്പി​ന് കൈ​മാ​റ​ണ​മെ​ന്നും കോ​ട​തി ഉ​ത്ത​ര​വി​റ​ക്കി.

ന​ഷ്ട​പ​രി​ഹാ​രം ന​ൽ​കാ​ൻ വി​സ​മ്മ​തി​ച്ച കേ​ന്ദ്ര സ​ര്‍​ക്കാ​രി​നെ കോ​ട​തി രൂ​ക്ഷ​മാ​യി വി​മ​ർ​ശി​ച്ചു.​കേ​ന്ദ്ര ഫ​ണ്ടി​ൽ 8155 കോ​ടി ഉ​ണ്ടെ​ന്നും കോ​ട​തി നി​രീ​ക്ഷി​ച്ചു. തമിഴ്‌നാട് വനംവകുപ്പ് 2011ൽ മുതുമലൈയിൽ ജനങ്ങളെ മാറ്റിപ്പാർപ്പിക്കാൻ നിർദ്ദേശിച്ചിരുന്നതായും എന്നാൽ ഫണ്ടില്ലാതെ വന്നതിനാൽ നടന്നിരുന്നില്ലെന്നും ഉത്തരവിൽ കോടതി സൂചിപ്പിക്കുന്നുണ്ട്.