മൂന്നു കൊൽക്കത്ത വമ്പന്മാരെയും നയിച്ച രാജ്യത്തെ ആദ്യ പ്രൊഫഷണൽ ഫുട്ബോളർ മുഹമ്മദ് ഹബീബ് അന്തരിച്ചു

ഹൈദരാബാദ്: കൊൽക്കത്തയിലെ മൂന്നു വമ്പൻ ക്ളബ്ബുകളെയും നയിച്ച നായകനെന്ന അപൂർവതയുള്ള മുൻ ഇന്ത്യൻ താരം മു​ഹ​മ്മ​ദ് ഹ​ബീ​ബ്(74) അ​ന്ത​രി​ച്ചു. ഡി​മ​ൻ​ഷ്യ, പാ​ർ​ക്കി​ൻ​സ​ൺ​സ് രോ​ഗ​ങ്ങ​ൾ ബാ​ധി​ച്ച് ഏ​റെ​നാ​ളാ​യി ചി​കി​ത്സ​യി​ലാ​യി​രു​ന്നു. 1965 മു​ത​ൽ 1976 വ​രെ ദേ​ശീ​യ കു​പ്പാ​യം അ​ണി​ഞ്ഞ ഹ​ബീ​ബ് 1970-ലെ ​ബാ​ങ്കോ​ക്ക് ഏ​ഷ്യ​ൻ ഗെ​യിം​സി​ൽ വെ​ങ്ക​ല മെ​ഡ​ൽ നേ​ടി​യ ടീ​മി​ലും അം​ഗ​മാ​യി​രു​ന്നു.

ഇന്ത്യൻ ഫുട്‌ബോളിലെ ആദ്യ പ്രൊഫഷണൽ താരം എന്നറിയപ്പെടുന്ന താരമാണ് ഹബീബ്. രാജ്യത്തെ  ഏറ്റവും മികച്ച മധ്യനിര താരങ്ങളിലൊരാളായിരുന്നു. കളി മെനയാനും കളിപ്പിക്കാനും അസാമാന്യ കഴിവുണ്ടായി. 1965 മുതൽ 76 വരെ ഇന്ത്യൻ ടീമിനായി പല പ്രധാന ടൂർണമെന്റുകളിലും കളിച്ചു. അതിലെ ഏറ്റവുംമികച്ച ഏടായിരുന്നു 1970ലെ ഏഷ്യൻ ഗെയിംസ്‌. ബാങ്കോക്കിൽ നടന്ന കളിയിൽ 1-0ന്‌ ജപ്പാനെ തോൽപ്പിച്ചാണ്‌ വെങ്കലം നേടിയത്‌. പി കെ ബാനർജിയായിരുന്നു ഇന്ത്യൻ ടീം പരിശീലകൻ.

ഹൈ​ദ​രാ​ബാ​ദി​ലെ സി​റ്റി കോ​ള​ജി​ൽ നി​ന്ന് ഫു​ട്ബോ​ൾ ജീ​വി​തം ആ​രം​ഭി​ച്ച ഹ​ബീ​ബ് ഈ​സ്റ്റ് ബം​ഗാ​ളി​നൊ​പ്പം കൊൽ​ക്ക​ത്തയി​ലെ​യും രാ​ജ്യ​ത്തെ​യും പ്ര​മു​ഖ ട്രോ​ഫി​ക​ളെ​ല്ലാം സ്വ​ന്ത​മാ​ക്കി. മോ​ഹ​ൻ ബ​ഗാ​ൻ, മു​ഹ​മ്മ​ദ​ൻ സ്പോ​ർ​ടിം​ഗ്, ഈ​സ്റ്റ് ബം​ഗാ​ൾ എ​ന്നീ മു​ന്ന് കൊൽ​ക്ക​ത്ത വ​മ്പ​ന്മാ​രെ​യും ന​യി​ച്ച നാ​യ​ക​നെ​ന്ന ഖ്യാ​തി​യും ഹ​ബീ​ബി​നു​ണ്ട്. ഹൈദരാബാദുകാരനായിരുന്നെങ്കിലും സന്തോഷ്‌ ട്രോഫിയിൽ ബംഗാളിനുവേണ്ടിയാണ്‌ കളിച്ചത്‌. 1969ൽ ബംഗാൾ ചാമ്പ്യൻമാരായപ്പോൾ 11 ഗോളുമായി ഈ ഹൈദരാബാദുകാരൻ ടോപ്‌ സ്‌കോററായി.

1977 സെപ്‌തംബറിൽ ന്യൂയോർക്ക്‌ കോസ്‌മോസ്‌ കൊൽക്കത്തയിൽ കളിക്കാനെത്തിയപ്പോൾ മോഹൻ ബഗാനുവേണ്ടി ഹബീബും ഇറങ്ങി. പെലെയ്‌ക്കൊപ്പം കർലോസ്‌ ആൽബെർട്ടോ, ജോർജിയോ ചിനാഗ്ലിയ തുടങ്ങിയ താരനിരയായിരുന്നു കോസ്‌മോസിന്‌. കോസ്‌മോസ്‌–ബഗാൻ മത്സരം 2–-2നാണ്‌ അവസാനിച്ചത്‌. മത്സരത്തിൽ ബഗാനുവേണ്ടി ഹബീബ്‌ ഒരു ഗോളടിച്ചു. മത്സരത്തിനുശേഷം ഹബീബിനെ പെലെ അഭിനന്ദിച്ചു. 

വിരമിച്ചശേഷം ടാറ്റ ഫുട്‌ബോൾ അക്കാദമിയുടെ പരിശീലകനായി. 1980 രാജ്യം അർജുന അവാർഡ്‌ നൽകി ആദരിച്ചു.  അവസാനകാലത്ത്‌ നിരവധി ആരോഗ്യപ്രശ്‌നങ്ങൾ അലട്ടി. ഓർമശക്തിയും കുറഞ്ഞു.