ആന്ഡമാന് നിക്കോബാര് ദ്വീപുകള്ക്ക് സമീപം 6.3 തീവ്രത രേഖപ്പെടുത്തിയ ഭൂചലനം
നിമിഷപ്രിയയുടെ വധശിക്ഷ റദ്ദാക്കിയതായി കാന്തപുരം അബൂബക്കര് മുസ്ലിയാര്
July 29, 2025
ന്യുയോർക്ക് നഗരത്തിൽ വെടിവെയ്പ്; ഒരു പൊലീസ് ഓഫീസർ കൊല്ലപ്പെട്ടു, ആറ് പേർക്ക് വെടിയേറ്റു
July 29, 2025
ന്യൂഡല്ഹി : ആന്ഡമാന് നിക്കോബാര് ദ്വീപുകള്ക്ക് സമീപം ഭൂചലനം. ബംഗാള് ഉള്ക്കടലില് റിക്ടര് സ്കെയിലില് 6.3 തീവ്രത രേഖപ്പെടുത്തിയ ഭൂചലനമാണ് ഉണ്ടായത്. ആളപായമോ നാശനഷ്ടങ്ങളോ റിപ്പോര്ട്ട് ചെയ്തിട്ടില്ല. സുനാമി മുന്നറിയിപ്പുകളൊന്നും പുറപ്പെടുവിച്ചിട്ടില്ലെന്ന് അധികൃതര് അറിയിച്ചു.
ഇന്ന് (ചൊവ്വാഴ്ച) പുലര്ച്ചെ 12.11 ഓടെയാണ് നിക്കോബാര് ദ്വീപുകള്ക്ക് സമീപം ഭൂചലനമുണ്ടായത്. നാഷണല് സെന്റര് ഫോര് സീസ്മോളജിയുടെ കണക്കനുസരിച്ച്, ഭൂകമ്പത്തിന് 10 കിലോമീറ്റര് ആഴമുണ്ട്. 6.82 ച അക്ഷാംശത്തിലും 93.37 E രേഖാംശത്തിലുമായിരുന്നു ഭൂകമ്പത്തിന്റെ കൃത്യമായ സ്ഥാനമെന്ന് അധികൃതര് സൂചിപ്പിച്ചു.
ജൂലൈ 22-ന് രാവിലെ ഡല്ഹിയിലും രാജ്യതലസ്ഥാന മേഖലയിലും നേരിയ ഭൂചലനം അനുഭവപ്പെട്ടതിന് ഒരാഴ്ചയ്ക്ക് ശേഷമാണ് ഈ ഭൂകമ്പം. ഫരീദാബാദ് പ്രഭവകേന്ദ്രമായി 3.2 തീവ്രത രേഖപ്പെടുത്തിയ ഭൂചലനമാണ് ഡല്ഹിയിലുണ്ടായത്. കാര്യമായ നാശനഷ്ടമോ ജീവഹാനിയോ റിപ്പോര്ട്ട് ചെയ്തിരുന്നില്ല.
