തൃശൂരിൽ ഉത്സവത്തിനിടെ അഞ്ചുപേർക്ക് വെട്ടേറ്റു

തൃശൂർ:  കുന്നംകുളത്ത് ചിറളയം ഉത്സവത്തിനിടെ ഉണ്ടായ സംഘർഷത്തിൽ അഞ്ചു പേർക്ക് വെട്ടേറ്റു . ചിറളയം ചെറുശേരി വീട്ടിൽ ഷൈൻ സി. ജോസ്, ലിയോ, വൈശേരി സ്വദേശികളായ ജിനീഷ് രാജ്, ജെറിൻ, നെബു എന്നിവർക്കാണ് പരുക്കേറ്റത്.  മാരകായുധങ്ങൾ ഉപയോഗിച്ച് വെട്ടിയതായാണ് നിഗമനം. ഷൈൻ സി. ജോസിന് കഴുത്തിനാണ് വെട്ടേറ്റിരിക്കുന്നതെന്ന് പൊലീസ് അറിയിച്ചു. പ്രതികൾക്കായി തിരിച്ചിൽ ആരംഭിച്ചു.