2026-27 വര്ഷം ഫയല് ചെയ്തത് 5.9 കോടി ആദായനികുതി റിട്ടേണുകള്
അതിരപ്പിള്ളി, പീച്ചി, കോട്ടയം ജില്ലയിലെ വിനോദസഞ്ചാര കേന്ദ്രങ്ങളിലും പ്രവേശന വിലക്ക്; ഈരാറ്റുപേട്ട- വാഗമണ് പാതയില് രാത്രി യാത്രക്ക് നിരോധനം
August 1, 2026
കണ്ണൂരിലെ മലയോര മേഖലയില് കനത്ത മഴ; പാല്ചുരം റോഡ് തകര്ന്നു, പഴശ്ശി ഡാം തുറക്കും
August 1, 2026
ന്യൂഡല്ഹി : 2026-27 അസസ്മെന്റ് വര്ഷത്തേക്ക് ജൂലൈ 31 വരെ 5.9 കോടിയിലധികം ആദായനികുതി റിട്ടേണുകള് (ഐടിആര്) സമര്പ്പിച്ചതായി ആദായനികുതി വകുപ്പ് അറിയിച്ചു. കണക്കുകള് ഓഡിറ്റ് ചെയ്യേണ്ടതില്ലാത്ത നികുതിദായകര്ക്ക് പിഴയോ പലിശയോ ഇല്ലാതെ 2026-27 അസസ്മെന്റ് വര്ഷത്തെ ഐടിആര് 1, 2 എന്നിവ സമര്പ്പിക്കാനുള്ള അവസാന തീയതി ജൂലൈ 31 ആയിരുന്നു.
കഴിഞ്ഞ വര്ഷം, റിട്ടേണ് സമര്പ്പിക്കാന് ദീര്ഘിപ്പിച്ചു നല്കിയ അവസാന തീയതിയായ സെപ്റ്റംബര് 16 വരെ 7.3 കോടിയിലധികം ഐടിആറുകള് ഫയല് ചെയ്തിരുന്നു. ‘2026-27 അസസ്മെന്റ് വര്ഷത്തേക്ക് ജൂലൈ 31 വരെ 5.9 കോടിയിലേറെ ഐടിആറുകള് സമര്പ്പിച്ചതായി ആദായനികുതി വകുപ്പ് എക്സ് പോസ്റ്റില് വ്യക്തമാക്കി.
ഐടിആര് ഫോം 1 (സഹജ്): ചെറുകിട, ഇടത്തരം നികുതിദായകര്ക്ക് ഉപയോഗപ്രദമായ ലളിതമായ ഫോമാണിത്. പ്രതിവര്ഷ വരുമാനം 50 ലക്ഷം രൂപ വരെ ഉള്ളവരും, ശമ്പള വരുമാനം, ഒരു വീട്, പ്രതിവര്ഷം 5,000 രൂപ വരെ കാര്ഷിക വരുമാനം എന്നിവയുള്ളവരുമായ റസിഡന്റ് വ്യക്തികള്ക്ക് ‘സഹജ്’ ഫയല് ചെയ്യാം.
ഐടിആര് 2: ബിസിനസ്സില് നിന്നോ പ്രൊഫഷനില് നിന്നോ വരുമാനമില്ലാത്തതും, എന്നാല് ക്യാപിറ്റല് ഗെയിന്സില് (മൂലധന ലാഭം) നിന്ന് വരുമാനമുള്ളതുമായ വ്യക്തികള്ക്കുമാണ് ഐടിആര് 2 ബാധകമാകുന്നത്.
