പാലക്കാട്ട് തെരുവുനായ ആക്രമണം; 4 പേർക്ക് കടിയേറ്റു

പാലക്കാട് : തെരുവ് നായ ആക്രമണത്തിൽ നാലുപേർക്ക് കടിയേറ്റു. പാലക്കാട് കോട്ടോപ്പാടത്താണ് സംഭവം. ലീലാവതി, അഹമ്മദ്കുട്ടി, സക്കീന, മിഥിലാജ് തുടങ്ങിയവർക്കാണ് തെരുവുനായയുടെ കടിയേറ്റത്. കൈക്ക് പരുക്കേറ്റ സക്കീന പാലക്കാട് ജില്ലാ ആശുപത്രിയിലും മറ്റുള്ളവർ മണ്ണാർക്കാട് താലൂക്ക് ആശുപത്രിയിലും ചികിത്സ തേടി.

വെള്ളിയാഴ്ച വൈകിട്ടോടെയായിരുന്നു സംഭവം. വീടിന്‍റെ സിറ്റൗട്ടിൽ ഇരിക്കുമ്പോഴായിരുന്നു അഹമ്മദ്കുട്ടിക്ക് കടിയേറ്റത്. വീട്ടുമുറ്റത്ത് തുണി വിരിച്ചിടുന്നതിനിടെയാണ് ലീലാവതിക്കും സക്കീനയ്ക്കും കടിയേറ്റത്.