രണ്ടാംവനിതാ ട്വന്റി20 : ഇംഗ്ലണ്ട്‌ എ ടീമിനെതിരെ നാല്‌ വിക്കറ്റിന്‌ ഇന്ത്യ എ ടീമിന്‌ തോൽവി
മുംബൈ : ഇംഗ്ലണ്ട്‌ എ ടീമിനെതിരായ രണ്ടാംവനിതാ ട്വന്റി20യിൽ മിന്നുമണി നയിച്ച ഇന്ത്യ എ ടീമിന്‌ തോൽവി. നാല്‌ വിക്കറ്റിനാണ്‌ തോറ്റത്‌. ഇതോടെ പരമ്പര 1–-1 എന്ന നിലയിലായി. നിർണായകമായ മൂന്നാംമത്സരം ഇന്ന്‌ നടക്കും.
ആദ്യം ബാറ്റ്‌ ചെയ്‌ത ഇന്ത്യ ഒമ്പത്‌ വിക്കറ്റ്‌ നഷ്ടത്തിൽ 149 റണ്ണെടുത്തു. ഇംഗ്ലണ്ട്‌ 18.5 ഓവറിൽ ജയംനേടി. പതിനഞ്ച്‌ പന്തിൽ 35 റണ്ണുമായി പുറത്താകാതെനിന്ന ഇസി വോങ്ങാണ്‌ ഇംഗ്ലണ്ടിന്റെ വിജയശിൽപ്പി.
ഇന്ത്യൻ ബാറ്റിങ്‌ നിരയിൽ ആർക്കും മികച്ച സ്‌കോർ നേടാനായില്ല. മിന്നുമണി 13 പന്തിൽ 14 റണ്ണെടുത്ത്‌ പുറത്തായി. മൂന്ന്‌ ഓവർ എറിഞ്ഞ്‌ രണ്ട്‌ വിക്കറ്റും വീഴ്‌ത്തി.
