ശബരിമല തീര്ഥാടകര്ക്ക് അന്നദാനമായി ഞായറാഴ്ച മുതല് കേരള സദ്യ വിളമ്പിത്തുടങ്ങി
ശബരിമല സ്വര്ണക്കൊള്ള : ദേവസ്വം ബോര്ഡിന്റെ വീഴ്ചകള് സംബന്ധിച്ച കൂടുതല് വിവരങ്ങള് പുറത്ത്
December 22, 2025
പത്തനംതിട്ട ജനവാസ മേഖലയില് ഭീതി പടര്ത്തിയ കടുവ കെണിയില് വീണു
December 22, 2025
ശബരിമല : ശബരിമല തീര്ഥാടകര്ക്ക് അന്നദാനമായി ഞായറാഴ്ച മുതല് കേരള സദ്യ വിളമ്പിത്തുടങ്ങി. പരിപ്പ്, സാമ്പാര്, രസം, അവിയല്, അച്ചാര്, തോരന്, പപ്പടം, പായസം എന്നി വിഭവങ്ങളോടെയാണ് സദ്യ. അവിയലും തോരനും എന്നത് ഓരോ തവണയും മാറും.
മോര്, രസം അല്ലെങ്കില് പുളിശേരി എന്നിവയില് ഏതെങ്കിലും ഒരു വിഭവമായിരിക്കും വിളമ്പുക. ഓരോ ദിവസവും ഓരോ തരം പായസമുണ്ടാകും. ഒന്നിടവിട്ട ദിവസങ്ങളിലാകും കേരളീയ സദ്യ വിളമ്പുക. ഒന്നിടവിട്ട ദിവസങ്ങളില് സദ്യയും പുലാവും മാറി മാറി വിളമ്പും. ഞായറാഴ്ച പകല് 12ന് ദേവസ്വം എക്സിക്യൂട്ടീവ് ഓഫീസര് ഒ ജി ബിജു സദ്യ വിളമ്പി ഉദ്ഘാടനം ചെയ്തു. സ്റ്റീല് പ്ലേറ്റിലാണ് സദ്യ വിളമ്പുന്നത്.
സാങ്കേതിക സൗകര്യങ്ങള് ഒരുക്കുന്നതിലെ താമസംമൂലമാണ് സദ്യ നല്കുന്നത് വൈകിയതെന്ന് എക്സിക്യൂട്ടീവ് ഓഫീസര് പറഞ്ഞു. കേരളസദ്യയുടെ രുചി തീര്ഥാടകര്ക്ക് ലഭ്യമാക്കുക എന്ന ലക്ഷ്യത്തോടെയാണ് ബോര്ഡ് തീരുമാനം എടുത്തത്. ദിവസവും ഉച്ചയ്ക്ക് അയ്യായിരത്തിലധികം പേര്ക്കാണ് സദ്യ ഒരുക്കുന്നത്.
