പെരിന്തല്മണ്ണയിലെ 15കാരിക്ക് നിപയില്ല; പരിശോധനാഫലം നെഗറ്റീവ്
ഊര്ജസ്വലനായി ചരിത്രം സൃഷ്ടിക്കുന്നു; നിര്ഭയം നിലപാട് തുറന്നു പറയും; വെള്ളാപ്പള്ളിയെ പുകഴ്ത്തി വിഎന് വാസവന്
July 20, 2025
അതുല്യയുടെ മരണം : പ്രതികരണവുമായി ആരോപണ വിധേയനായ ഭര്ത്താവ് സതീഷ് ശങ്കര്
July 20, 2025
തൃശൂര് : തൃശൂര് മെഡിക്കല് കോളജ് ആശുപത്രിയില് ചികില്സയിലായിരുന്ന 15കാരിക്ക് നിപയില്ലെന്ന് സ്ഥിരീകരിച്ചു. രോഗബാധയെന്ന സംശയത്തെ തുടര്ന്നാണ് പെരിന്തല്മണ്ണ സ്വദേശിയായ പെണ്കുട്ടിയെ അഡ്മിറ്റ് ചെയ്തത്. വെള്ളിയാഴ്ച രാത്രി കുട്ടിയെ മെഡിക്കല് കോളജിലെ ഐസൊലേഷന് വാര്ഡില് പ്രവേശിപ്പിച്ചിരുന്നു. എന്നാല്, കോഴിക്കോട് നടത്തിയ സ്രവ പരിശോധനല് നെഗറ്റീവ് ആണെന്ന് കണ്ടെത്തി.
സംസ്ഥാനത്ത് ആകെ 648 പേരാണ് നിപ വൈറസ് സമ്പര്ക്കപ്പട്ടികയില് ഉള്ളത്. ഇതില് 30 പേര് ഹൈയസ്റ്റ് റിസ്ക് വിഭാഗത്തിലും 97 പേര് ഹൈ റിസ്ക് വിഭാഗത്തിലും നിരീക്ഷണത്തിലാണ്. മലപ്പുറം ജില്ലയില് 110 പേരും പാലക്കാട് 421 പേരും കോഴിക്കോട് 115 പേരും എറണാകുളം, തൃശൂര് ജില്ലകളില് ഒരാള് വീതവുമാണ് നിരീക്ഷണത്തിലുള്ളതെന്ന് ആരോഗ്യ മന്ത്രി വീണാ ജോര്ജ് അറിയിച്ചു.
മലപ്പുറത്ത് 13 പേര് ഐസൊലേഷനില് ചികിത്സയിലുണ്ട്. ഇതുവരെ 97 സാമ്പിളുകള് നെഗറ്റീവ് ആണ്. ഐസൊലേഷന് കാലയളവ് പൂര്ത്തിയാക്കിയ മലപ്പുറം ജില്ലയില് നിന്നുള്ള 21 പേരെയും പാലക്കാട് നിന്നുള്ള 12 പേരെയും സമ്പര്ക്കപ്പട്ടികയില് നിന്ന് ഒഴിവാക്കി.
