ലക്ഷ്യം തദ്ദേശ തെരഞ്ഞെടുപ്പ്; സംസ്ഥാനത്ത് ബിജെപി ജില്ലാ ഘടകങ്ങളിൽ വിഭജനം

തിരുവനന്തപുരം : സംസ്ഥാന ബിജെപിയിൽ ജില്ലാ ഘടകങ്ങൾ വിഭജിക്കാൻ തീരുമാനം. തദ്ദേശ തെരഞ്ഞെടുപ്പ് ലക്ഷ്യമിട്ടാണ് മാറ്റം. എറണാകുളം, കോഴിക്കോട്, തിരുവനന്തപുരം എന്നിവിടങ്ങളിലെ ജില്ലാ ഘടകങ്ങളാണ് വിഭജിക്കുന്നത്. ഈ ജില്ലകളിൽ മൂന്നും മറ്റു 11 ജില്ലകളിൽ രണ്ടു ജില്ലാ പ്രസിഡൻ്റുമാരും ഉണ്ടാകും.

തദ്ദേശ തെരഞ്ഞെടുപ്പ് ലക്ഷ്യമിട്ടുകൊണ്ട് സമ​ഗ്രമായ മാറ്റത്തിനാണ് ബിജെപി ലക്ഷ്യമിടുന്നത്. പരമാവധി തദ്ദേശ സ്ഥാപനങ്ങളിൽ സീറ്റ് നേടി ഭരണം ഉറപ്പിക്കുക എന്നുള്ള ലക്ഷ്യത്തോടുകൂടിയാണ് ബിജെപി നീങ്ങുന്നത്. ജില്ലാ ഘടകങ്ങളിലെ വിഭജനം നടന്നാൽ ജില്ലാ പ്രസിഡൻ്റുമാരുടെ എണ്ണം 31-ആയി ഉയരും.