തി​രു​വ​ന​ന്ത​പു​രം: വിവാഹിതയാകാനെത്തിയപ്പോൾ കാമുകന്റെ അടുത്തുനിന്നും പൊലീസ്  പിടിച്ചു കൊണ്ടുപോയ യുവതിക്ക് നാളെ വിവാഹം. മജിസ്‌ട്രേറ്റിനു മുന്നിൽ ഹാജരാക്കിയ യുവതിയെ കാമുകനൊപ്പം പോകാൻ അനുവദിച്ചതോടെയാണ് വിവാഹത്തിനുള്ള കളമൊരുങ്ങിയത്.

കോ​വ​ളം കെ​എ​സ് റോ​ഡി​ലെ മ​ല​വി​ള പ​ന​മൂ​ട്ടി​ൽ ശ്രീ ​മാ​ട​ൻ ത​മ്പൂ​രാ​ൻ ക്ഷേ​ത്ര​ത്തി​ൽ ഇ​ന്നലെ  വൈ​കി​ട്ടാ​ണ് നാ​ട​കീ​യ സം​ഭ​വ​ങ്ങ​ളു​ണ്ടാ​യ​ത്.കാ​യം​കു​ളം സ്വ​ദേ​ശി​നി​യാ​യ അ​ൽ​ഫി​യ എ​ന്ന യു​വ​തി കോ​വ​ളം കെ​എ​സ് റോ​ഡ് സ്വ​ദേ​ശി അ​ഖി​ലു​മാ​യി പ്ര​ണ​യ​ത്തി​ലാ​യി​രു​ന്നു. അ​ഖി​ലി​നൊ​പ്പം ജീ​വി​ക്കാ​നാ​യി ആ​ൽ​ഫി​യ ഈ ​ആ​ഴ്ച​യാ​ണ് കോ​വ​ള​ത്ത് എ​ത്തി​യ​ത്. വെ​ള്ളി​യാ​ഴ്ച വൈ​കി​ട്ട് ഇ​രു​വ​രു​ടെ​യും വീ​ട്ടു​കാ​ർ കോ​വ​ളം പൊ​ലീ​സ് സ്റ്റേ​ഷ​നി​ൽ ജ​ന​പ്ര​തി​നി​ധി​ക​ളു​ടെ സാ​ന്നി​ധ്യ​ത്തി​ൽ മ​ധ്യ​സ്ഥ ച​ർ​ച്ച ന​ട​ത്തി​യി​രു​ന്നു.വീട്ടുകാർക്കൊപ്പം പോകാൻ തയ്യാറല്ലെന്ന് പെൺകുട്ടി പറഞ്ഞിരുന്നു.തു​ട​ർ​ന്ന് യു​വ​തി​യെ അ​വ​രു​ടെ ഇ​ഷ്ട​പ്ര​കാ​രം കാ​മു​ക​നൊ​പ്പം പോ​കാ​ൻ അ​നു​വ​ദി​ച്ചി​രു​ന്നു.

ശനിയാഴ്ചയാണ് കായംകുളം പൊലീസ്  സ്റ്റേഷനിൽ കാണാനില്ലെന്ന പരാതി നൽകിയത്. വി​വാ​ഹ​ത്തി​നാ​യി ക്ഷേ​ത്ര​ത്തി​ൽ എ​ത്തി​യ വേ​ള​യി​ൽ, വീട്ടുകാർക്കൊപ്പമെത്തിയ കായംകുളം പൊലീസ്  സം​ഘം യു​വ​തി​യെ ബ​ലം പ്ര​യോ​ഗി​ച്ച് പി​ടി​ച്ചു​കൊ​ണ്ട് പോ​യി.കാ​മു​ക​നൊ​പ്പം പോ​ക​ണ​മെ​ന്ന് ആ​വ​ശ്യ​പ്പെ​ട്ടെ​ങ്കി​ലും യു​വ​തി​യെ  പൊലീസ്  സം​ഘം കാ​യം​കു​ള​ത്തേ​ക്ക് കൊ​ണ്ട് പോ​കു​ക​യാ​യി​രു​ന്നു. തുടർന്ന് കാണാതായെന്ന ബന്ധുക്കളുടെ പരാതിയിൽ ആൽഫിയയെ മജിസ്ട്രേറ്റിന് മുന്നിൽ ഹാജരാക്കാനാണ് കൊണ്ടുപോയത്. കോവളം സ്റ്റേഷനിലേക്കാണ് ആദ്യം പെൺകുട്ടിയെ കൊണ്ട് പോയത്. പെൺകുട്ടിയുടെ ബന്ധുക്കളും പൊലീസിനൊപ്പമുണ്ടായിരുന്നെങ്കിലും കൂടെ പോകാൻ ആൽഫിയ തയ്യാറായില്ല. ബലം പ്രയോഗിച്ചാണ് ഒടുവിൽ സ്വകാര്യ വാഹനത്തിലേക്ക് കയറ്റിയത്.

കോടതിയിൽ ഹാജരാക്കിയ ആൽഫിയയെ മജിസ്ട്രേറ്റ് വരനൊപ്പം വിട്ടയച്ചു. കായംകുളത്തെ ഒന്നാം ക്ലാസ് മജിസ്ട്രറ്റിന്‍റെ വീട്ടിലെത്തിച്ചപ്പോൾ ആൽഫിയ അഖിലിനൊപ്പം പോകണമെന്ന് വ്യക്തമാക്കി. ഈ സമയത്ത് അഖിലും ഇവിടെയെത്തിയിരുന്നു. അഖിലിനൊപ്പം പോകണമെന്ന് പെൺകുട്ടി ആവശ്യപ്പെട്ടതോടെ മജിസ്ട്രേറ്റ് പരാതി തീർപ്പാക്കി.  കായംകുളം പൊലീസിന്റെ നടപടിക്കെതിരെ അഖിൽ കോവളം പൊലീസിൽ പരാതി നൽകിയിരുന്നു. സമൂഹമാധ്യമങ്ങളിലൂടെയാണ് അഖിലും ആൽഫിയയും തമ്മിൽ പരിചയപ്പെട്ടത്.