പൊലീസുകാരൻ പ്രതിയായ മാങ്ങാ മോഷണക്കേസ്; ഒത്തു തീർപ്പാക്കാനുള്ള നീക്കത്തിനെതിരെ പൊലീസ്

കാഞ്ഞിരപ്പള്ളിയിൽ പൊലീസുകാരൻ പ്രതിയായ മാങ്ങാ മോഷണ കേസ് ഒത്തു തീർപ്പാക്കാനുള്ള നീക്കത്തിനെതിരെ പൊലീസ്.കേസ് ഒത്തുതീർപ്പാക്കിയാൽ അത് സമൂഹത്തിന് തെറ്റായ സന്ദേശം നൽകുമെന്ന് പൊലീസ് റിപ്പോർട്ട്. മോഷണം നടത്തിയ പ്രതി പൊലീസുകാരനാണ് എന്ന വസ്തുത ഗൗരവതരമെന്നും പൊലീസ് റിപ്പോർട്ടിൽ വ്യക്തമാക്കുന്നു. കാഞ്ഞിരപ്പള്ളി കോടതിയിൽ സമർപ്പിച്ച റിപ്പോർട്ടിലാണ് പൊലീസ് ഒത്തു തീർപ്പ് നീക്കത്തിൽ എതിർപ്പറിയിച്ചത്.

അതേസമയം കേസ് ഒതുക്കിത്തീർക്കുവാനുള്ള സാഹചര്യം പൊലീസ് തന്നെ ഒരുക്കി നൽകിയെന്ന ആക്ഷേപം ശക്തമാണ്. കേസുമായി മുന്നോട്ടു പോകാൻ താൽപര്യമില്ലെന്ന് കാട്ടി പരാതിക്കാരനായ പഴക്കച്ചവടക്കാരൻ കാഞ്ഞിരപ്പള്ളി ഒന്നാം ക്ലാസ് മജിസ്ട്രേറ്റ് കോടതിയിൽ അപേക്ഷ നൽകിയിരുന്നു. ഈ കേസിൽ 17 ദിവസങ്ങളാണ് പ്രതി ഒളിവിൽ കഴിഞ്ഞത്.

കാ​​ഞ്ഞി​​ര​​പ്പ​​ള്ളി പേ​​ട്ട ക​​വ​​ല​​യി​​ലെ പ​​ച്ച​​ക്ക​​റി​​ക്ക​​ട​​യി​​ൽ​​നി​​ന്നാണ് പൊ​​ലീ​​സു​​കാ​​ര​ൻ​ ​മാ​​ങ്ങ മോ​​ഷ്​​​ടി​​ച്ചത്. മു​​ണ്ട​​ക്ക​​യം വ​​ണ്ട​​ൻ​​പ​​താ​​ൽ 10 സെ​​ൻറ്​ കോ​​ള​​നി​​യി​​ൽ പു​​തു​​പ്പ​​റ​​മ്പി​​ൽ പി.​​ബി. ഷി​​ഹാ​​ബാണ് (36) മോഷണക്കേസിൽ കുടുങ്ങിയത്. വ്യാ​​ഴാ​​ഴ്ച രാ​​വി​​ലെ കാ​​ഞ്ഞി​​ര​​പ്പ​​ള്ളി കോ​​ട​​തി​​യി​​ൽ മു​​ൻ​​കൂ​​ർ ജാ​​മ്യ​​ത്തി​​ന് എ​​ത്തു​​മെ​​ന്ന വി​​വ​​രം ല​​ഭി​​ച്ച​​തി​​നെ​​ത്തു​​ട​​ർ​​ന്ന് പൊ​​ലീ​​സ് കാ​​ത്തു​​നി​​ന്നെ​​ങ്കി​​ലും പ്ര​​യോ​​ജ​​ന​​മു​​ണ്ടാ​​യി​​രുന്നില്ല.