വാൽപ്പാറ ദുരന്തം : ഇൻഷുറൻസ് പരിരക്ഷയില്ലാത്തവർക്ക് സഹായധനം പ്രഖ്യാപിച്ച് സംസ്ഥാന സര്ക്കാര്
ചരിത്ര പ്രഖ്യാപനവുമായി മാര്പാപ്പ; അനധികൃതമായി കുടിയേറിയ വൈദികനെ യുഎസ് ബിഷപ്പായി നിയമിച്ചു
May 2, 2026
ബോട്ട് അപകടത്തെ ബന്ധപ്പെടുത്തി പ്രചരിക്കുന്ന അമ്മയും കുഞ്ഞുമുള്ള ചിത്രം വ്യാജം : ജബല്പൂര് കളക്ടര്
May 2, 2026
മലപ്പുറം : വാൽപ്പാറ ദുരന്തത്തിൽ സഹായധനം അനുവദിക്കാൻ മന്ത്രിസഭായോഗം തീരുമാനിച്ചു. പാങ്ങ് ഗവര്മെന്റ് യു.പി സ്കൂളിലെ അധ്യാപകരും ജീവനക്കാരും അവരുടെ ചില കുടുംബാംഗങ്ങളുമാണ് അപകടത്തില്പെട്ടത്.
മരണമടഞ്ഞ ഇൻഷുറൻസ് പരിരക്ഷയില്ലാത്ത അഞ്ച് പേരുടെ കുടുംബാംഗങ്ങൾക്ക് 10 ലക്ഷം രൂപ വീതം നൽകും. മരണപ്പെട്ട മറ്റ് അധ്യാപർക്ക് ഇൻഷുറൻസ് പരിരക്ഷയുണ്ട്.
മരണപ്പെട്ട സ്കൂള് ബസ് ഡ്രൈവര് നൗഷാദ് അലി, പാചകത്തൊഴിലാളി സാജിദ, റുഖിയ, ഷക്കീല, വിദ്യാര്ത്ഥിയായ മുഹമ്മദ് ഹിഷാം എന്നിവരുടെ ബന്ധുകൾക്കാണ് മുഖ്യമന്ത്രിയുടെ ദുരിതാശ്വാസ നിധിയില് നിന്ന് 10 ലക്ഷം രൂപ അനുവദിക്കുക.
അപകടത്തില് മരണപ്പെട്ട അധ്യാപികയുടെ മകന് മുഹമ്മദ് ഷഹാദിന്, മറ്റൊരു അധ്യാപികയുടെ മകള് മസ്നീന്, വാഹനത്തിന്റെ ഡ്രൈവര് മുഹമ്മദ് ഫാഹിസ് എന്നിവരുടെ ചികിത്സാ ചിലവ് സർക്കാർ വഹിക്കും. ഇന്ഷുറന്സ് പരിരക്ഷ ഉള്ളവര്ക്ക്, ഇന്ഷുറന്സ് പരിരക്ഷയ്ക്ക് പുറമെ, ചികിത്സയ്ക്ക് തുക ചെലവായിട്ടുണ്ടെങ്കില് പ്രസ്തുത തുകയും മുഖ്യമന്ത്രിയുടെ ദുരിതാശ്വാസ നിധിയില് നിന്ന് അനുവദിക്കാനും മന്ത്രിസഭാ യോഗം തീരുമാനിച്ചു.
2026 ഏപ്രിൽ 17നാണ് തമിഴ്നാട്ടിലെ വാൽപ്പാറ-പൊള്ളാച്ചി പാതയില് അപകടമുണ്ടായത്. വാൽപ്പാറ-പൊള്ളാച്ചി ഘാട്ട് റോഡിലെ 13-ാം ഹെയർപിൻ ബെൻഡിൽ വച്ച് നിയന്ത്രണം വിട്ട വാൻ ഏകദേശം 500 അടി താഴ്ചയിലേക്ക് മറിയുകയായിരുന്നു. ഒമ്പതാം ഹെയർപിൻ ബെൻഡിന് സമീപമാണ് വാഹനം പതിച്ചത്. പത്ത് പേരാണ് മരിച്ചത്.
