നമ്പര്‍ മാറി ഫോണ്‍ റീചാര്‍ജ് ചെയ്‌തോ? പണം തിരിച്ചുകിട്ടാൻ വഴിയുണ്ട്..
റെയിൽവേ മന്ത്രിയുടെ വാദത്തിനു വിരുദ്ധം, ബാലസോർ ദുരന്തത്തിൽ അട്ടിമറിയെക്കുറിച്ച് സൂചനയില്ലാതെ സിബിഐ എഫ്.ഐ.ആർ
June 13, 2023
അഞ്ച് ജില്ലകളിൽ ഇന്ന് യെല്ലോ അലർട്ട്, പൊഴിയൂരിൽ രൂക്ഷമായ കടലാക്രമണം; ആനക്കാംപൊയിലിൽ മലവെള്ളപ്പാച്ചിൽ
June 13, 2023
ഓൺലൈനായി മൊബൈൽ റീചാര്‍ജ് ചെയ്ത് നമ്പർ മാറി അബന്ധം സംഭവിച്ചാലോ..പരിഭ്രമിക്കേണ്ട, ഈ പണം തിരികെ ലഭിക്കാന്‍ വഴിയുണ്ട് …
ആദ്യം ചെയ്യേണ്ടത് നിങ്ങള്‍ ഉപയോഗിക്കുന്ന സിം കാര്‍ഡ് ഏതാണോ അതാത് കസ്റ്റമര്‍ കെയര്‍ നമ്പറിലേക്ക് വിളിച്ച് ഇക്കാര്യം പറയുക എന്നതാണ്. വിളിച്ചു പറഞ്ഞാല്‍ മാത്രം പോര, സെര്‍വീസ് പ്രൊവൈഡറുടെ മെയില്‍ ഐ.ഡിയിലേക്ക് മൊബൈല്‍ നമ്പര്‍, തെറ്റി റീചാര്‍ജ് ചെയ്ത മൊബൈല്‍ നമ്പര്‍, ട്രാന്‍സാക്ഷന്‍ ഐ.ഡി, റീചാര്‍ജ് ചെയ്ത തുക എന്നീ വിശദാംശങ്ങള്‍ ഉള്‍പ്പെടെ അപേക്ഷ അയക്കുകയും വേണം.
VI- customercare@vodafoneidea.com
എയര്‍ടെല്‍- airtelpresence@in.airtel.com
JIO- care@jio.com
എന്നിങ്ങനെയാണ് ഇ-മെയില്‍ ഐ.ഡികള്‍
നിങ്ങള്‍ വിശദാംശങ്ങളും അയയ്ക്കുമ്പോള്‍, കമ്പനി ഇക്കാര്യങ്ങള്‍ പരിശോധിച്ച് ശരിയെന്ന് ഉറപ്പുവരുത്തിയ ശേഷം നിങ്ങളുടെ പണം തിരികെ നല്‍കാം. ശ്രദ്ധിക്കുക, നിങ്ങള്‍ എത്രയും വേഗം ചെയ്യുന്നുവോ അത്രയും പെട്ടന്ന് പണം തിരികെ ലഭിക്കാനുള്ള സാധ്യത വര്‍ദ്ധിക്കും.
ഇനി സര്‍വീസ് പ്രൊവൈഡര്‍ ഇത് ചെയ്ത് തന്നില്ലെങ്കില്‍ നാഷണല്‍ കണ്‍സ്യൂമര്‍ ഹെല്‍പ് ലൈന്‍ ( എന്‍.സി.എച്ച്) നമ്പറിലേക്ക് (1800-11-4000 അല്ലെങ്കില്‍ 1915) ലേക്ക് വിളിച്ച് അല്ലെങ്കില്‍ അവരുടെ consumerhelpline.gov.in എന്ന വെബ്‌സൈറ്റില്‍ കംപ്ലൈയന്റ് രജിസ്റ്റര്‍ ചെയ്യാം.
പ്രത്യേകം ശ്രദ്ധിക്കേണ്ട കാര്യമെന്തെന്നാല്‍ മൊബൈല്‍ നമ്പറിന്റെ ഒന്നോ രണ്ടോ ഡിജിറ്റ് മാറിപ്പോയെങ്കില്‍ മാത്രമേ റീഫണ്ട് ലഭ്യമാവുകയുള്ളൂ.
