പി.കെ.രാഗേഷിനെ കൂടാതെ ചേറ്റൂര്‍ രാഗേഷ്, എം.കെ,അഖില്‍, പി.കെ.രഞ്ജിത്ത്, പി.കെ.സൂരജ്, കെ.പി.രതീപന്‍, എം.വി.പ്രദീപ് കുമാര്‍ എന്നിവരെയാണ് പ്രാഥമിക അംഗത്വത്തില്‍ പുറത്താക്കിയത്. കെ.പി.അനിത, കെ.പി.ചന്ദ്രന്‍ എന്നിവരെ പാര്‍ട്ടിയില്‍ നിന്നും സസ്‌പെൻഡ് ചെയ്തതായും ഡിസിസി പ്രസിഡന്റ് മാര്‍ട്ടിന്‍ ജോര്‍ജ് അറിയിച്ചു. പള്ളിക്കുന്ന് മണ്ഡലം കമ്മിറ്റയുടെ താൽകാലിക ചുമതല കെപിപിസി അംഗം രാജീവൻ എളയാവൂരിന് നൽകി.
ഇന്നലെ നടന്ന പള്ളിക്കുന്ന് സർവീസ് സഹകരണ ബാങ്ക് തിരഞ്ഞെടുപ്പിൽ േകാൺഗ്രസിന്റെ ഔദ്യോഗിക പാനലിനെ തോൽപിച്ച് വിമത വിഭാഗം ഭരണം പിടിച്ചിരുന്നു. ഇതിനു നേതൃത്വം നൽകിയത് പി.കെ.രാഗേഷും ഒപ്പം ഇപ്പോൾ നടപടി നേരിട്ടവരുമാണെന്ന വിലയിരുത്തലിനെ തുടര്‍ന്നാണ് നടപടി.നേരത്തെ വിമതനായി ജയിച്ച ശേഷം സിപിഎമ്മിനൊപ്പം ചേർന്ന് കണ്ണൂർ നഗരസഭാ ഭരണം പിടിച്ചെടുത്ത വ്യക്തിയാണ് പികെ രാഗേഷ് .
