59 ഓൾ ഔട്ട്, സഞ്ജുവിനു കൂട്ടർക്കും ഐപിഎൽ പ്ലേഓഫ് സാധ്യത അകലുന്നു

ജ​യ്പു​ർ: സ്വന്തം കാണികൾക്കും റോയൽ ചലഞ്ചേഴ്‌സ് ബാംഗ്ലൂരിനു മുന്നിലും 112 റൺസിന്‌ തലകുനിച്ചു മടങ്ങിയ സഞ്ജുവിനും കൂട്ടർക്കും ഐപിഎൽ പ്ലേഓഫ് സാധ്യത അകലുന്നു . ഐ​പി​എ​ൽ ച​രി​ത്ര​ത്തി​ലെ ഏ​റ്റ​വും ചെ​റി​യ മൂ​ന്നാ​മ​ത്തെ ടീം ​സ്കോ​ർ നേ​ടി പു​റ​ത്താ​യ രാ​ജ​സ്ഥാ​ൻ റോ​യ​ൽ​സ് ആ​ർ​സി​ബി ഉ​യ​ർ​ത്തി​യ 172 റ​ൺ​സ് വി​ജ​യ​ലക്ഷ്യത്തിനുള്ള പ്രയാണത്തിൽ വെ​റും 59 റ​ൺ​സി​നാ​ണ് ഓ​ൾ​ഔ​ട്ടാ​യ​ത്. പ​രാ​ജ​യ​ത്തോ​ടെ 13 മ​ത്സ​ര​ങ്ങ​ളി​ൽ നി​ന്ന് 12 പോ​യി​ന്‍റു​മാ​യി റോ​യ​ൽ​സ് ലീ​ഗ് പ​ട്ടി​ക​യി​ൽ ആ​റാം സ്ഥാ​ന​ത്താ​ണ്. സ​മാ​ന പോ​യി​ന്‍റു​ള്ള ആ​ർ​സി​ബി മി​ക​ച്ച റ​ൺ​നി​ര​ക്കി​ന്‍റെ അ​ടി​സ്ഥാ​ന​ത്തി​ൽ അ​ഞ്ചാം സ്ഥാ​ന​ത്തെ​ത്തി.

സ്കോ​ർ:
റോ​യ​ൽ ച​ല​ഞ്ചേ​ഴ്സ് ബാം​ഗ്ലൂ​ർ 171/5(20)
രാ​ജ​സ്ഥാ​ൻ റോ​യ​ൽ​സ് 59/10(10.3)

വെ​ടി​ക്കെ​ട്ട് ബാ​റ്റിം​ഗ് നി​ര​യു​ണ്ടെ​ന്ന ആ​ത്മ​വി​ശ്വാ​സ​ത്തി​ൽ ബാ​റ്റിം​ഗി​നി​റ​ങ്ങി​യ റോ​യ​ൽ​സി​നെ ഞെ​ട്ടി​ച്ച് ജോ​സ് ബ​ട്‌​ല​ർ, യ​ശ്വ​സി ജെ​യ്സ്‌​വാ​ൾ എ​ന്നി​വ​ർ സം​പൂ​ജ്യ​രാ​യി മ​ട​ങ്ങി. പി​ന്നാ​ലെ​യെ​ത്തി​യ നാ​യ​ക​ൻ സ​ഞ്ജു സാം​സ​ൺ നാ​ല് റ​ൺ​സ് നേ​ടി വെ​യ്ൻ പാ​ർ​ണ​ലി​ന് വി​ക്ക​റ്റ് ന​ൽ​കി മ​ട​ങ്ങി​യ​തോ​ടെ 1.4 ഓ​വ​റി​ൽ 7-3 എ​ന്ന നി​ല​യി​ലാ​യി ആ​തി​ഥേ​യ​ർ.

ഐപിഎല്ലിൽ ഒരു അ​വ​സ​ര​ത്തി​നാ​യി ഏ​റെ കാ​ത്തി​രു​ന്ന ജോ ​റൂ​ട്ട് 10 റ​ൺ​സ് മാ​ത്ര​മാ​ണ് നേ​ടി​യ​ത്. ദേ​വ്ദ​ത്ത് പ​ടി​ക്ക​ൽ(10), ദ്രു​വ് ജൂ​റ​ൽ(4) എ​ന്നി​വ​ര​ട​ക്കം റോ​യ​ൽ​സ് നി​ര​യി​ലെ ഒ​മ്പ​ത് ബാ​റ്റ​ർ​മാ​രും ഒ​റ്റ​യ​ക്ക സ്കോ​റി​നാ​ണ് പു​റ​ത്താ​യ​ത്. 19 പ​ന്തി​ൽ തു​ട​ർ​ച്ച​യാ​യ മൂ​ന്ന് സി​ക്സ​ട​ക്കം അ​ഞ്ച് ബൗ​ണ്ട​റി​ക​ൾ പാ​യി​ച്ച ഷിം​റോ​ൺ ഹെ​റ്റ്മെ​യ​ർ 35 റ​ൺ​സ് നേ​ടി ടീ​മി​ന്‍റെ മാ​നം കാ​ത്തു.

സ്ഥി​രം ത​ല്ലു​കൊ​ള്ളി​ക​ളാ​യ ആ​ർ​സി​ബി നി​ര ഉ​ണ​ർ​ന്ന് പ്ര​വ​ർ​ത്തി​ച്ച​തും റോ​യ​ൽ​സ് ബാ​റ്റ​ർ​മാ​രു​ടെ ഉ​ഴ​പ്പ​ൻ ശൈ​ലി​യും ചെ​റി​യ സ്കോ​റി​ൽ ചേ​സ് അ​വ​സാ​നി​ക്കാ​ൻ കാ​ര​ണ​മാ​യി. പാ​ർ​ണ​ൽ മൂ​ന്നോ​വ​റി​ൽ 10 റ​ൺ​സ് മാ​ത്രം വ​ഴ​ങ്ങി മൂ​ന്ന് വി​ക്ക​റ്റ് നേ​ടി ക​ളി​യി​ലെ താ​ര​മാ​യി. മൈ​ക്ക​ൽ ബ്രേ​സ്‌​വെ​ൽ, ക​ര​ൺ ശ​ർ​മ എ​ന്നി​വ​ർ ര​ണ്ടും മു​ഹ​മ്മ​ദ് സി​റാ​ജ്, ഗ്ലെ​ൻ മാ​ക്സ്‌​വെ​ൽ എ​ന്നി​വ​ർ ഓ​രോ വി​ക്ക​റ്റ് വീ​ത​വും പി​ഴു​തു.

നേ​ര​ത്തെ, ഫാ​ഫ് ഡു​പ്ലെ​സി( 44 പ​ന്തി​ൽ 55), മാ​ക്സ്‌​വെ​ൽ(33 പ​ന്തി​ൽ 54) എ​ന്നി​വ​രു​ടെ ക​രു​ത്തി​ലാ​ണ് ആ​ർ​സി​ബി ഭേ​ദ​പ്പെ​ട്ട സ്കോ​റി​ലെ​ത്തി​യ​ത്. മ​ധ്യ​നി​ര പ​ത​റി​യെ​ങ്കി​ലും 11 പ​ന്തി​ൽ 29* റ​ൺ​സ് നേ​ടി​യ അ​നൂ​ജ് റാ​വ​ത്ത് ടീ​മി​നാ​യി അ​വ​സാ​നം വ​രെ പൊ​രു​തി. ഈ തോ​ൽ​വി​യോ​ടെ, ശേ​ഷി​ക്കു​ന്ന ഒ​രു ലീ​ഗ് മ​ത്സ​ര​ത്തി​ൽ വി​ജ​യി​ച്ചാ​ലും റോ​യ​ൽ​സി​ന് പ്ലേ​ഓ​ഫ് ഉ​റ​പ്പി​ക്കാ​നാ​കി​ല്ല. മ​റ്റ് ടീ​മു​ക​ളു​ടെ പ്ര​ക​ട​ന​വും മി​ക​ച്ച റ​ൺ​റേ​റ്റി​ന്‍റെ ആ​നു​കൂ​ല്യ​വും ഉ​ണ്ടെ​ങ്കി​ൽ മാ​ത്ര​മാ​കും ടീ​മി​ന് അ​വ​സാ​ന നാ​ലി​ലേ​ക്ക് മു​ന്നേ​റാ​ൻ സാ​ധി​ക്കു​ക.