പ്രിയദര്ശിനി യാത്രാ പദ്ധതി : ആദ്യ 15 ദിവസത്തെ 41.50 കോടി രൂപ കെഎസ്ആര്ടിസിക്ക് അനുവദിച്ച് സര്ക്കാര്
വയനാട്ടില് ശക്തമായ മഴ; മേപ്പാടി പഞ്ചായത്തിലെ വിവിധ വാര്ഡുകകളിലെ സ്കൂളുകള്ക്ക് അവധി
July 29, 2026
മട്ടന്നൂരില് കാര് വൈദ്യുതി തൂണിലിടിച്ച് യുവാവ് മരിച്ചു; രണ്ട് പേര്ക്ക് പരിക്ക്
July 29, 2026
തിരുവനന്തപുരം : സംസ്ഥാന സര്ക്കാരിന്റെ പ്രിയദര്ശിനി സ്ത്രീ സൗജന്യ യാത്രാ പദ്ധതിയില് ആദ്യ 15 ദിവസം കെഎസ്ആര്ടിസിക്ക് ചെലവായത് 41.50 കോടി രൂപ. സൗജന്യ ടിക്കറ്റുകളുടെ തുക കെഎസ്ആര്ടിസിക്ക് അനുവദിച്ച് സര്ക്കാര് ഉത്തരവിറക്കി. ബജറ്റില് പദ്ധതിക്കായി നീക്കിവച്ചിരിക്കുന്ന 600 കോടി രൂപയില് നിന്നാണ് ജൂണ് 15 മുതല് 30 വരെയുള്ള ദിവസങ്ങളിലെ വിഹിതം അനുവദിച്ചത്.
പദ്ധതി ആരംഭിച്ചതോടെ ബസുകളില് സ്ത്രീ യാത്രക്കാരുടെ എണ്ണത്തില് വന് വര്ധനയാണുണ്ടായിരിക്കുന്നത്. പ്രതിദിനം 6 ലക്ഷമായിരുന്ന സ്ത്രീ യാത്രക്കാരുടെ എണ്ണം പദ്ധതി വന്നതോടെ 12 ലക്ഷമായി ഉയര്ന്നു. 15 ദിവസത്തിനുള്ളില് 40 കോടിയിലേറെ രൂപ ചെലവായതോടെ പ്രതിമാസ ചെലവ് 80 കോടി രൂപ കടക്കുമെന്നാണ് കണക്കുകൂട്ടുന്നത്.
അതേസമയം, ആദ്യ ദിവസങ്ങളില് സ്ത്രീകള് കൂട്ടത്തോടെ യാത്ര ചെയ്തതാണ് ചെലവ് ഉയരാന് കാരണമെന്നും വരും ദിവസങ്ങളില് തുക കുറയുമെന്നുമാണ് കെഎസ്ആര്ടിസി അധികൃതരുടെ വിലയിരുത്തല്.
