‘ഹാപ്പി ലോങ് ലൈഫ്’ വെട്ടി സര്ക്കാര്; കാന്സര് രോഗികള്ക്ക് ഇനി കെഎസ്ആര്ടിസിയില് സൗജന്യയാത്രയില്ല
തെരഞ്ഞെടുപ്പ് തോൽവി : സിപിഐഎം കേന്ദ്ര കമ്മിറ്റിയുടെ അവലോകന റിപ്പോര്ട്ട് സംസ്ഥാന സമിതി അംഗീകരിച്ചു
July 24, 2026
നിതിന് രാജിന്റെ മരണം : ഡോ. റാമിനെ അറസ്റ്റ് ചെയ്യുന്നതിലുണ്ടായ വീഴ്ചയില് പൊലീസിനെതിരെ രൂക്ഷ വിമര്ശനവുമായി ഹൈക്കോടതി
July 24, 2026
തിരുവനന്തപുരം : കെഎസ്ആര്ടിസി ബസുകളില് കാന്സര് രോഗികള്ക്ക് നല്കിയിരുന്ന സൗജന്യയാത്ര ‘ഹാപ്പി ലോങ് ലൈഫ്’ യുഡിഎഫ് സര്ക്കാര് നിര്ത്തലാക്കിയെന്ന് സിപിഐഎം. ഓര്ഡിനറി മുതല് സൂപ്പര്ഫാസ്റ്റ് വരെയുള്ള ബസുകളില് അനുവദിച്ച സൗജന്യയാത്രയും അതോടൊപ്പം രോഗിക്ക് ബസില് സീറ്റും ഉറപ്പു നല്കിയതാണ് ഇപ്പോള് റദ്ദാക്കിയതെന്ന് സിപിഐഎം ആരോപിച്ചു.
ആറ് മാസത്തെ കാലാവധിയിലാണ് ഹാപ്പി ലോങ് ലൈഫ് കാര്ഡുകള് നല്കിയിരുന്നത്. അതുകഴിഞ്ഞാല് വീണ്ടും ഓണ്ലൈനായി അപേക്ഷ നല്കി പുതുക്കണം. യുഡിഎഫ് സര്ക്കാര് അധികാരത്തില് വന്ന ശേഷം പുതുക്കി നല്കുന്നത് ഉള്പ്പെടെയുള്ള നടപടികള് നിര്ത്തിവച്ചിരിക്കുകയാണെന്നും പുതിയതായി അപേക്ഷിക്കുന്നവര്ക്ക് കാര്ഡ് ലഭിക്കുന്നില്ലെന്നും സിപിഐഎം ആരോപിച്ചു. കെഎസ്ആര്ടിസിയുടെ ആസ്ഥാനത്ത് നേരിട്ട് അന്വേഷിക്കുന്നവര്ക്ക്, സാങ്കേതിക കാരണങ്ങളാല് കാര്ഡ് അച്ചടിക്കാന് കഴിഞ്ഞിട്ടില്ലെന്ന മറുപടിയാണ് ലഭിക്കുന്നത്. പരാതികള് വര്ധിച്ചതോടെ ഈ സെക്ഷനില് ഫോണ് പോലും എടുക്കുന്നില്ലെന്നും സിപിഐഎം പറയുന്നു.
പാസ്പോര്ട് സൈസ് ഫോട്ടോ, ആധാര് കാര്ഡ്, മേല്വിലാസം, ഓങ്കോളജിസ്റ്റ് നല്കുന്ന മെഡിക്കല് സര്ട്ടിഫിക്കറ്റ് എന്നിവ സഹിതം www.keralartcit.com എന്ന ഔദ്യോഗിക പോര്ട്ടലിലൂടെയാണ് അപേക്ഷിച്ചിരുന്നത്. ചീഫ് ഓഫീസില് നിന്ന് ലഭ്യമാക്കുന്ന കാര്ഡ് കെഎസ്ആര്ടിസി യൂണിറ്റ് ഓഫീസര് വഴി അപേക്ഷകന്റെ വീട്ടിലെത്തിക്കുന്നതായിരുന്നു രീതിയെന്നും സിപിഐഎം പറഞ്ഞു.
