ആരും വിശന്നിരിക്കരുത്; ജന്തര് മന്തറിലേക്ക് ഓണ്ലൈന് ആപ്പുകളിലൂടെ നൂറു കണക്കിന് ഭക്ഷണ ഓര്ഡറുകള്
നീറ്റ് പരീക്ഷാ ക്രമക്കേട് സമരം; അടിച്ചമര്ത്താന് ശ്രമിക്കുന്തോറും കൂടുതല് ജനപിന്തുണ : പിണറായി
July 22, 2026
പരീക്ഷാ ക്രമക്കേടിനെതിരായ പ്രതിഷേധങ്ങളില് രാഹുല് വിദ്യാര്ഥികളെ രാഷ്ട്രീയ ഉപകരണങ്ങളാക്കുന്നു : കേന്ദ്രമന്ത്രി ധര്മ്മേന്ദ്ര പ്രധാന്
July 22, 2026
ന്യൂഡല്ഹി : ജന്തര് മന്തറില് ‘പാറ്റകള്’ ശക്തമായ പ്രതിഷേധമാണുയര്ത്തുന്നത്. അഭിജീത് ദീപ്കെ, ജന്തര് മന്തര്,ന്യൂഡല്ഹി എന്ന വിലാസത്തിലാണ് ഭക്ഷണപ്പൊതികള് ഇവിടേയ്ക്ക് എത്തുന്നതെന്നതാണ് കൗതുകകരം. മുമ്പ് നടന്ന ഒരു സമരങ്ങളിലും ഈ രീതിയില് ഭക്ഷണം എത്തിയിട്ടുണ്ടാകില്ല. ഓര്ഡര് ചെയ്ത ഭക്ഷണം ആര്ക്ക് കൊടുക്കുമെന്നറിയാതെ നില്ക്കുന്ന ഡെലിവറി ഏജന്റിനെ മുമ്പ് കണ്ടിട്ടില്ല.
ഓര്ഡര് ചെയ്ത ആളുടെ നമ്പറിലേയ്ക്ക് തിരികെ വിളിച്ച് ആര്ക്ക് ഭക്ഷണം കൊടുക്കണം എന്ന് ചോദിച്ച ഡെലിവറി ഏജന്റിനോട് , അവിടെ വിശന്നു നില്ക്കുന്ന ആര്ക്കെങ്കിലും കൊടുക്കൂ എന്നാണ് മറുതലയ്ക്കല് നിന്നുള്ള മറുപടി. ഇങ്ങനെ രാജ്യത്തിന്റെ വിവിധ ഭാഗങ്ങളില് നിന്ന് ആയിരക്കണക്കിന് ആളുകളാണ് ഓണ്ലൈന് പ്ലാറ്റ്ഫോമുകളിലൂടെ ഭക്ഷണം ജന്തര്മന്തറിലേയ്ക്ക് ഓര്ഡര് ചെയ്യുന്നത്. ഇന്നലെ മുതല് ഇത് ശേഖരിച്ച് വിതരണം ചെയ്യാന് സമരവേദിക്കടുത്ത് പ്രതിഷേധക്കാര് പ്രത്യേക കൗണ്ടര് തുടങ്ങി.
ആപ്പുകളില് ജന്തര് മന്തര്, പ്രൊട്ടസ്റ്റ് സൈറ്റ്, നിയര് പൊലീസ് ബാരിക്കേഡ് എന്ന വിലാസം കൊടുത്താല് ഓണ്ലൈന് പ്ലാറ്റ്ഫോമുകളില് ഓര്ഡര് സ്വീകരിച്ചു തുടങ്ങിയെന്ന് കഴിഞ്ഞ ദിവസങ്ങളില് ഇവിടേയ്ക്ക് ഭക്ഷണം ഓര്ഡര് ചെയ്ത ഒരാള് പറഞ്ഞു. ബിരിയാണി, പീസ തുടങ്ങിയ വിഭവങ്ങളാണ് ഓര്ഡര് ചെയ്ത് ഇവിടേയ്ക്ക് എത്തുന്നത്.
