എൽഡിഎഫ് സർക്കാർ വീര്യം കുറഞ്ഞ മദ്യവിൽപ്പനക്കായി വിദേശ മദ്യ ചട്ടത്തിൽ ഭേദഗതി വരുത്തി; രേഖകൾ പുറത്ത്

തിരുവനന്തപുരം : വീര്യം കുറഞ്ഞ മദ്യവിൽപ്പനക്കായി ചട്ട ഭേദഗതിക്ക് എൽഡിഎഫ് സർക്കാർ അംഗീകാരം നൽകിയതിന്റെ രേഖകൾ പുറത്ത്. ഇതുമായി ബന്ധപ്പെട്ട ഫയൽ നീക്കത്തിന്റെ രേഖകളാണ് പുറത്തുവന്നത്. 2022-23 ലെ മദ്യ നയത്തിലാണ് തീരുമാനമായത്.

വിദേശ മദ്യ ചട്ടത്തിൽ ഭേദഗതി വരുത്തി വിദേശ മദ്യ ചട്ടത്തിൽ ഭേദഗതി വരുത്തി എക്സൈസ് കമ്മീഷണർ കരട് വിജ്ഞാപനം ഇറക്കി. പിന്നാലെ നിയമ വകുപ്പിന്റെ ഭേദഗതികളോടെ സബ്ജെക്ട് കമ്മറ്റിക്ക് വിട്ടു. 2022 നവംബർ 09ന് സബ്ജെക്ട് കമ്മിറ്റി അംഗീകരിച്ചു. 2023 ജൂൺ ഒന്നിന് മന്ത്രി അംഗീകാരം നൽകി. എന്നാൽ നികുതി ഘടന നിശ്ചയിച്ചിരുന്നില്ല.

പിണറായി സർക്കാരിലെ രണ്ട് മന്ത്രിമാർ അനുകൂല നടപടികൾ സ്വീകരിച്ചതിന്റെ രേഖകൾ ഇന്നലെ പുറത്തുവന്നിരുന്നു. രണ്ടാം പിണറായി സർക്കാരിൽ എക്സൈസ് മന്ത്രിമാരായിരുന്ന എം.വി.ഗോവിന്ദനും എം.ബി.രാജേഷുമാണു മദ്യവിൽപനയ്ക്കു വഴിയൊരുക്കാനുള്ള നടപടികൾക്ക് അനുകൂല നിലപാട് സ്വീകരിച്ചതിന്റെ രേഖകളാണ് പുറത്തുവന്നത്.