മുഖ്യമന്ത്രിയെത്തിയാല് സ്കൂളിന്റെ സങ്കടാവസ്ഥക്ക് മാറ്റമുണ്ടാകുമെന്ന് നാലാം ക്ലാസുകാരി; വരാമെന്ന് വിഡി സതീശന്
ഡിഎംകെ ഇന്ത്യ സഖ്യം വിട്ടു; ബിജെപിക്കും കോണ്ഗ്രസിനുമെതിരെ മൂന്നാം മുന്നണി രൂപീകരിക്കും
June 9, 2026
കനഗോലുവിന് പുതിയ റോള്; ഇനി ഡി കെയുടെ കാബിനറ്റ് റാങ്കുള്ള മുഖ്യ ഉപദേശകന്
June 9, 2026
തിരുവനന്തപുരം : സ്കൂളിന്റെ സങ്കടാവസ്ഥ അറിയിച്ച് എഴുതിയ നാലാം ക്ലാസുകാരിയുടെ കത്തിന് മറുപടി നല്കി മുഖ്യമന്ത്രി വി ഡി സതീശന്. നേരിട്ട് സ്കൂള് സന്ദര്ശിക്കാമെന്നും കുട്ടിയെയും ടീച്ചര്മാരേയും കാണാമെന്നും മുഖ്യമന്ത്രി കുട്ടിയുടെ കത്തിന് മറുപടിയായി ഉറപ്പ് കൊടുത്തു.
കോഴിക്കോട് ജില്ലയിലെ പൂളപ്പൊയില് ഗവ.എല്പി സ്കൂള് നാലാം ക്ലാസ് വിദ്യാര്ഥി ഓമശ്ശേരി പെരുന്തോട്ടത്തില് റഷീദിന്റെ മകള് ഹാദിയയാണ് മുഖ്യമന്ത്രിക്ക് കത്തയച്ചത്. കത്തില് മുഖ്യമന്ത്രി സ്കൂള് സന്ദര്ശിച്ചാല് സ്കൂളിന് നല്ല പബ്ലിസിറ്റി കിട്ടുമെന്നും കൂടുതല് കുട്ടികള് സ്കൂളില് പ്രവേശനം തേടുമെന്നുമായിരുന്നു ഹാദിയ വിവരിച്ചത്. സ്കൂള് പരിസരത്തെ കുട്ടികള് പോലും ഇവിടെ അഡ്മിഷന് എടുക്കുന്നില്ലെന്നും ഹാദിയ പരാതിപ്പെട്ടു. ഭാവിയില് സ്കൂള് ഇല്ലാതാകുമോ എന്ന ആശങ്കയും കുട്ടിയുടെ കത്തിലുണ്ട്. ഈ കത്തിനാണ് മുഖ്യമന്ത്രി മറുപടി നല്കിയിരിക്കുന്നത്.
ഒരു ദിവസം സ്കൂളില് വരാം. മോളേയും ടീച്ചര്മാരേയും കാണും. സ്കൂളിലേയ്ക്ക് കൂടുതല് കുട്ടികളെ എത്തിക്കാന് ശ്രമിക്കും. തിരക്ക് കാരണം കത്ത് വായിക്കാന് വൈകിപ്പോയതിനാലാണ് മറുപടി വൈകിയത്. മോള് നന്നായി പഠിക്കണം, ടീച്ചര്മാരോട് അന്വേഷണം പറയണമെന്നും മുഖ്യമന്ത്രി മറുപടി നല്കി.
