ബലാത്സംഗക്കേസില് ജാമ്യത്തിലിറങ്ങി മുങ്ങി; പിടികിട്ടാപ്പുള്ളി 10 വര്ഷത്തിന് ശേഷം അറസ്റ്റിൽ
രേവന്ത് റെഡ്ഡിക്ക് എന്ത് ജനാധിപത്യ മാതൃകയാണ് ഹിറ്റ്ലറില് നിന്ന് പ്രചോദനം ഉള്ക്കൊളാന്നുള്ളത് ? : പിണറായി വിജയന്
June 8, 2026
ചെലവ് പ്രതിവർഷം 1300 കോടി രൂപ; കെഎസ്ആർടിസിയിൽ സ്ത്രീകൾക്ക് സൗജന്യ യാത്ര ജൂൺ 15 മുതൽ : മന്ത്രി സി പി ജോൺ
June 8, 2026
കൊല്ലം : ബലാത്സംഗക്കേസില് ഒളിവിലായിരുന്ന പിടികിട്ടാപ്പുള്ളി 10 വര്ഷത്തിന് ശേഷം അറസ്റ്റിലായി. കൊല്ലം വെളിമണ് സ്വദേശി അഷ്റഫ് (47) ആണ് പിടിയിലായത്. കൊല്ലത്ത് മറ്റൊരു യുവതിയെ വിവാഹം ചെയ്ത് കഴിയുകയായിരുന്നു ഇയാള്.
ബലാത്സംഗക്കേസില് കോടതിയില് നിന്നും ജാമ്യം നേടിയ ശേഷം മുങ്ങിയതായിരുന്നു അഷ്റഫ്. എറണാകുളത്തു നിന്നാണ് അഷ്റഫിനെ തലശ്ശേരി പൊലീസ് പിടികൂടിയത്. 2016 ല് തലശ്ശേരി സ്വദേശിനിയെ പീഡിപ്പിച്ച കേസിലെ പ്രതിയാണ് ഇയാള്.
2016 ല് തലശ്ശേരി സ്വദേശിനിയായ യുവതിയെ കാണാതാകുന്നതോടെയാണ് കേസിന് തുടക്കം. പിന്നീട് പൊലീസ് അന്വേഷണത്തിലാണ് യുവതിയെ കണ്ടെത്തുന്നത്. എറണാകുളത്തു കൊണ്ടുപോയി അഷ്റഫ് പീഡിപ്പിച്ചു എന്നാണ് യുവതി പൊലീസിന് മൊഴി നല്കിയത്.
തലശ്ശേരി പൊലീസ് രജിസ്റ്റര് ചെയ്ത പീഡനക്കേസില് അഷ്റഫിനെ അറസ്റ്റ് ചെയ്ത് കോടതിയില് ഹാജരാക്കി റിമാന്ഡ് ചെയ്തു. പിന്നീട് ജാമ്യത്തിലിറങ്ങിയ പ്രതി ഒളിവില് പോയി. ഇതോടെ കേസിന്റെ വിചാരണ നടപടികള് തടസ്സപ്പെട്ടു. തുടര്ന്ന് കോടതി തന്നെ ഇയാളെ പിടികിട്ടാപ്പുള്ളിയായി പ്രഖ്യാപിക്കുകയായിരുന്നു.
മാട്രിമോണിയല് സൈറ്റുകള് വഴി യുവതികളുമായി പരിചയം സ്ഥാപിച്ച് ദുരുപയോഗം ചെയ്യുകയായിരുന്നു ഇയാളുടെ പതിവെന്ന് പൊലീസ് പറഞ്ഞു. കൊല്ലത്ത് മറ്റൊരു യുവതിയെ വിവാഹം കഴിച്ച് ജീവിക്കുകയായിരുന്നു. എറണാകുളത്ത് പെയിന്റ് പണിയാണെന്നാണ് പറഞ്ഞിരുന്നത്. രണ്ടാഴ്ചയോളം നിരീക്ഷിച്ചശേഷമാണ് കൊച്ചിയില് വെച്ച് ഇയാളെ പൊലീസ് പിടികൂടുന്നത്.
