വന്ദേമാതരം : പ്രോട്ടോക്കോള് ലംഘനമെന്ന് ഗവര്ണര്; എഴുന്നേറ്റു നില്ക്കേണ്ടതില്ലെന്ന് പിണറായി
തിരുവനന്തപുരത്ത് തീവ്രവാദ ബന്ധം ആരോപിച്ച് സ്കൂൾ പ്രിൻസിപ്പലിനെ പിരിച്ചുവിട്ടതായി ആരോപണം
May 29, 2026
ഇടുക്കി ചിന്നക്കനാൽ മേഖലയിലെ വൻ വനംഭൂമി കയ്യേറ്റം ഒഴിപ്പിച്ച് വനംവകുപ്പ്
May 29, 2026
തിരുവനന്തപുരം : നിയമസഭയില് വന്ദേമാതരം പൂര്ണമായി ആലപിക്കാത്തതില് പ്രതികരിച്ച് ഗവര്ണര് രാജേന്ദ്ര ആര്ലേക്കര്. വന്ദേമാതരം പൂര്ണമായി ആലപിക്കാതിരുന്നത് പ്രോട്ടോക്കോള് ലംഘനമാണ്. വന്ദേമാതരം പൂര്ണമായി പാടണമായിരുന്നു. ലോക്ഭവന് ഇക്കാര്യം നിര്ദേശിച്ചിരുന്നു. എന്തുകൊണ്ട് മുഴുവനായി പാടിയില്ല എന്ന് സ്പീക്കറോട് ചോദിച്ചിരുന്നുവെന്നും ഗവര്ണര് ആര്ലേക്കര് പറഞ്ഞു.
ഗവര്ണര് പങ്കെടുക്കുന്ന ചടങ്ങില് വന്ദേമാതരം പൂര്ണമായി ആലപിക്കണമെന്നാണ് നിയമം. എന്നാല് നിയമസഭയില് വന്ദേമാതരം പാടുകയല്ല, അതിന്റെ സംഗീതമാണ് ആലപിച്ചത്. ഇക്കാര്യത്തില് വ്യക്തത തേടും. എന്നാല് വന്ദേമാതരം പൂര്ണമായി ആലപിക്കാത്തതില് വിശദീകരണം ചോദിക്കുന്നതിനെപ്പറ്റി തീരുമാനിച്ചിട്ടില്ലെന്നും ഗവര്ണര് രാജേന്ദ്ര ആര്ലേക്കര് മാധ്യമങ്ങളോട് പറഞ്ഞു.
അതേസമയം വന്ദേമാതരം പൂര്ണമായി ആലപിക്കേണ്ടതില്ലെന്ന് പ്രതിപക്ഷ നേതാവ് പിണറായി വിജയന് പറഞ്ഞു. ആദ്യ രണ്ടു ഭാഗങ്ങള് ദേശീയഗീതമായതിനാല് ആലപിച്ചാല് മതിയാകും. മുഴുവനായി ആലപിക്കുക എന്നത് ആര്എസ്എസ് അജണ്ടയാണ്. വന്ദേമാതരം ആലപിക്കുമ്പോള് എഴുന്നേറ്റു നില്ക്കേണ്ടതില്ലെന്നും പിണറായി വിജയന് പറഞ്ഞു. പറഞ്ഞു.
എന്നാല് ഗവര്ണറെ അപമാനിച്ചെന്ന് ബിജെപി നേതാവ് വി മുരളീധരന് എംഎല്എ കുറ്റപ്പെടുത്തി. ഗവര്ണര് പങ്കെടുക്കുന്ന പരിപാടികളില് ദേശീയ ഗീതമായ വന്ദേമാതരം മുഴുവന് ആലപിക്കണം എന്ന കേന്ദ്രസര്ക്കാര് നിര്ദേശമുണ്ടായിട്ടും നിയമസഭയില് അത് പാലിക്കപ്പെട്ടില്ല. ഇതുവഴി ഗവര്ണറെയും ലോക്ഭവനെയും അവഹേളിക്കുകയാണ് ചെയ്തത്. ജമാഅത്തെ ഇസ്ലാമിക്കും സിപിഎമ്മിനും വിഡി സതീശന് സര്ക്കാര് കീഴ്പ്പെട്ടുവെന്നും മുരളീധരന് കുറ്റപ്പെടുത്തി.
നിയമസഭയുടെ ചരിത്രത്തില് ആദ്യമായി വന്ദേമാതരം ആലപിച്ചുകൊണ്ടാണ് ഇത്തവണ സഭാ നടപടികള് ആരംഭിച്ചത്. എന്നാല് വന്ദേമാതരം മുഴുവന് ആലപിച്ചില്ല. വന്ദേമാതരത്തിന്റെ ആദ്യഭാഗമാണ് പൊലീസ് ബാന്റ് വായിച്ചത്. വരികള് വായിക്കാതെ സംഗീതം മാത്രമാണ് ഉണ്ടായിരുന്നത്. വന്ദേമാതരം മുഴുവന് വായിക്കണമെന്ന് ലോക്ഭവന്റെ നിര്ദേശം ഉണ്ടായിരുന്നു. എന്നാല് സര്ക്കാര് ഇത് അംഗീകരിച്ചില്ല.
