വിജയ് സര്ക്കാര് ആറ് മാസം പോലും തികയ്ക്കില്ല : ഡിഎംകെ നേതാവ് അനിത രാധാകൃഷ്ണന്
കേന്ദ്രത്തിന് വഴങ്ങി സത്യപ്രതിജ്ഞാ ചടങ്ങിന് മുന്പായി വന്ദേമാതരം പൂര്ണമായി ചൊല്ലി വിഡി സതീശന് സര്ക്കാര്
May 18, 2026
എകെഎം അഷ്റഫിന് മന്ത്രിപദവി ലഭിക്കാതെ പോയത് വേദനാജനകം : കെ സുരേന്ദ്രൻ
May 18, 2026
ചെന്നൈ : തമിഴ്നാട്ടില് അധികാരത്തിലെത്തിയ വിജയ് സര്ക്കാര് ആറ് മാസം പോലും തികയ്ക്കില്ലെന്ന് മുതിര്ന്ന ഡിഎംകെ നേതാവുമായ അനിത രാധാകൃഷ്ണന്. മുഖ്യമന്ത്രിയായി വീണ്ടും എംകെ സ്റ്റാലിന് അധികാരമേല്ക്കുമെന്നും അദ്ദേഹം പറഞ്ഞു. ഡിഎംകെയുടെ പൊതുപരിപാടിയിലായിരുന്നു അനിത രാധാകൃഷ്ണന് ടിവികെ സര്ക്കാരിനെതിരെ രൂക്ഷവിമര്ശനം ഉന്നയിച്ചത്.
വില്ലിവാക്കം മണ്ഡലത്തില് നിന്ന് ടിവികെ എംഎല്എയായ ആദവ് അര്ജുന് എംഎല്എ സ്ഥാനം രാജിവച്ച് തനിക്കെതിരെ തിരിച്ചെന്തൂരില് മത്സരിക്കാന് അദ്ദേഹം വെല്ലുവിളിക്കുകയും ചെയ്തു. ‘ഇനി നാലുമാസം കൂടിയേ ഈ സര്ക്കാര് നിലനില്ക്കുകയുള്ളു. ആദവ് അര്ജുന്, നിങ്ങള്ക്ക് ധൈര്യമുണ്ടെങ്കില് എംഎല്എ സ്ഥാനം രാജിവയ്ക്കൂ, ഞാനും അത് ചെയ്യാം. നമുക്ക് തിരിച്ചെന്തൂരില് നേര്ക്ക് നേര് പോരാടാം’ – അദ്ദേഹം പറഞ്ഞു.
ഡിഎംകെയുടെ ഉറച്ച കോട്ടയാണ് തിരുച്ചെന്തൂര്. വര്ഷങ്ങളായി ഇവിടെ നിന്നുള്ള എംഎല്എയായണ് അനിത രാധാകൃഷ്ണന്. മുഖ്യമന്ത്രി എംകെ സ്റ്റാലിന്റെ തോല്വിയെയും അദ്ദേഹത്തെ ന്യായീകരിച്ചു. പാര്ട്ടി അദ്ദേഹത്തോട് ട്രിച്ചിയില് മത്സരിക്കാനാണ് ആവശ്യപ്പെട്ടത്. എന്നാല് സ്റ്റാലിന്റെ വികസനപ്രവര്ത്തനങ്ങള് കൊളത്തൂരിനെ സിംഗപ്പൂര് പോലെയാക്കി. എന്നാല് വിലകെട്ട വോട്ടര്മാര് അദ്ദേഹത്തെ പരാജയപ്പെടുത്തി. നമ്മുടെ തലൈവര് ആണ് അടുത്ത മുഖ്യമന്ത്രിയെന്ന് അദ്ദേഹം പറഞ്ഞു.
ടിവികെയും ഡിഎംകെയും തമ്മില് രാഷ്ട്രീയ പോരാട്ടം കൂടുതല് കടുത്തുവരുന്ന സാഹചര്യത്തിലാണ് പരാമര്ശം എന്നത് ശ്രദ്ധേയമാണ്.
