കോണ്ഗ്രസിലെ മുഖ്യമന്ത്രിത്തര്ക്കത്തിന് പിന്നില് സിപിഐഎം സൈബര് ഹാന്ഡിലുകൾ : മാത്യു കുഴല്നാടന്
വിരമിച്ചിട്ടും ഔദ്യോഗികമുദ്ര പതിപ്പിച്ച കാറില് യാത്ര; ടോമിന് തച്ചങ്കരിക്ക് 250 രൂപ പിഴ
April 29, 2026
‘കെസി വേണുഗോപാല് മുഖ്യമന്ത്രിയാകണം’; കളഭം കൊണ്ട് തുലാഭാരം നടത്തി കോണ്ഗ്രസ് നേതാവ്
April 29, 2026
കോഴിക്കോട് : കോണ്ഗ്രസില് മുഖ്യമന്ത്രിത്തര്ക്കമെന്ന സാമൂഹികമാധ്യങ്ങളിലെ പ്രചാരണത്തിന് പിന്നില് സിപിഐഎം എന്ന് മാത്യു കുഴല്നാടന് എംഎല്എ. ഇത്തരം പ്രചാരണങ്ങള്ക്ക് പിന്നില് സിപിഐഎമ്മിന്റെ സൈബര് ഹാന്ഡിലുകളാണെന്ന് മാത്യു കുഴല്നാടന് ആരോപിച്ചു. കോഴിക്കോട്ട് മാധ്യമങ്ങളോട് പ്രതികരിക്കുകയായിരുന്നു അദ്ദേഹം.
തെരഞ്ഞെടുപ്പുകാലത്ത് ഇടതുപക്ഷത്തിനായി സജീവ പ്രചാരണം നടത്തിയ അക്കൗണ്ടുകളാണ് ഇപ്പോള് കോണ്ഗ്രസ് പ്രചാരണം നടത്തുന്നത്. ഇടതുസര്ക്കാരിന്റെ ബാധ ഇപ്പോഴും ചില ഉദ്യോഗസ്ഥര്ക്ക് നിലനില്ക്കുന്നു. അതിനുദാഹരണമാണ് വടകരയില് പ്രസവിച്ചുകിടക്കുന്ന സ്ത്രീയുടെ വീട്ടില് റെയ്ഡ് നടത്തിയതെന്നും അദ്ദേഹം പറഞ്ഞു.
2019-ലെ പ്രളയം മനുഷ്യനിര്മിതിയാണെന്ന താന് നടത്തിയ ആരോപണം ശരിവെക്കുന്നതാണ് ഇപ്പോഴത്തെ സര്ക്കാരിനൊപ്പം പ്രവര്ത്തിച്ച ഉദ്യോഗസ്ഥനായിരുന്ന ബിജുപ്രഭാകറിന്റെ പുസ്തകം. അതുകൊണ്ട് ഇക്കാര്യത്തില് ഇനിയെങ്കിലും സര്ക്കാര് സത്യം വെളിപ്പെടുത്തണം. ഈ സര്ക്കാരിന്റെ അവസാനദിനങ്ങളില് തനിനിറം ബോധ്യപ്പെട്ടുകൊണ്ടിരിക്കുകയാണ്. അതിലൊന്നാണ് ഒരു മന്ത്രിതന്നെ മൊഴിമാറ്റിപ്പറഞ്ഞതെന്നും മാത്യു കുഴല്നാടന് പറഞ്ഞു.
